Aýa raıy
Astana -10 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

57 úmitkerge «Bolashaq» halyqaralyq stıpendııasy taǵaıyndaldy

2020 jyldyń 30 qazan 2020 11:42

NUR-SULTAN. QazAqparat - 57 úmitkerge «Bolashaq» halyqaralyq stıpendııasy taǵaıyndaldy. Mundaı sheshim búgin QR Memlekettik hatshysy Qyrymbek Kósherbaevtyń tóraǵalyǵymen ótken Shetelde kadrlar daıarlaý jónindegi respýblıkalyq komıssııanyń kezekti otyrysynda qabyldandy, dep habarlaıdy QazAqparat tilshisi.

2020 jylǵy 26 qyrkúıek pen 7 qazan aralyǵynda ótken konkýrstyq irikteýdiń birinshi jáne ekinshi kezeń nátıjeleri boıynsha «Bolashaq» halyqaralyq stıpendııasyn taǵaıyndaý úshin Shetelde kadrlar daıarlaý jónindegi respýblıkalyq komıssııanyń qaraýyna 59 úmitkerdiń materıaldary usynyldy. Onyń ishinde 50 úmitker magıstr dárejesin alý úshin sheteldik joǵary oqý oryndaryna óz betimen túskender, doktor dárejesin alýǵa 7 úmitker, taǵylymdamadan ótýge 2 úmitker konkýrstyq irikteýge qatysty.

Úmitkerlerdiń kópshiligi Ulybrıtanııa (28 adam), AQSh (19 adam) jáne Avstralııada (7 adam) oqýǵa qujat tapsyrsa, eń azy Shveıtsarııa, Danııa, Jańa Zelandııa, Izraıl, Reseı sııaqty elderdiń enshisinde.




Shetelde kadrlar daıarlaý jónindegi respýblıkalyq komıssııa otyrysynyń qorytyndysy boıynsha 57 úmitkerge «Bolashaq» halyqaralyq stıpendııasyn taǵaıyndaý týraly sheshim qabyldandy.

Aıta keterligi, bıyldan bastap «Bolashaq» halyqaralyq stıpendııasyn taǵaıyndaý úshin konkýrstyq rásimder tolyǵymen avtomattandyryldy. Úlgi retinde Prezıdenttik jastar kadr rezervine irikteý júıesi tańdap alyndy.




Esterińizge sala ketsek, «Bolashaq» halyqaralyq stıpendııasy Qazaqstan Respýblıkasy Prezıdentiniń 1993 jylǵy 5 qarashadaǵy №1394 qaýlysymen bekitilgen. Baǵdarlamany iske asyrýdyń 26 jylynda 13 976 stıpendııa taǵaıyndaldy, onyń ishinde 1994 jyldan 2004 jylǵa deıin – 785 stıpendııa, 2005 jyldan 2020 jylǵa deıin – 13191 stıpendııa úlestirildi. 13191 stıpendııanyń 3379-y bakalavrıat, 7229-y magıstratýra, 35-i aspırantýra, 87-si klınıkalyq ordınatýra, 347-si doktorantýra, 2114-i taǵylymdama baǵdarlamasy boıynsha oqýǵa arnaldy.




2020 jylǵa barlyǵy 555 stıpendııa bólindi, onyń 395-i magıstratýra baǵdarlamasyna, 50-i doktorantýra baǵdarlamasyna jáne 110-y taǵylymdamadan ótýge arnalǵan. Eki irikteý qorytyndysy boıynsha 163 stıpendııa taǵaıyndaldy, onyń 143-in «magıstratýra», 13-in «doktorantýra», al 7-in «taǵylymdama» baǵdarlamalary quraıdy.





Joǵary qaraı