Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

50 mamandyq boıynsha kolledjderge qabyldaý toqtatyldy - BǴM

2021 jyldyń 25 qarasha 2021 12:03

NUR-SULTAN. QazAqparat - Bilim jáne ǵylym mınıstrligi suranysqa saı kelmeıtin 50 mamandyq boıynsha kolledjderge qabyldaýdy toqtatty. Bul týraly QazAqparat BǴM silteme jasap habarlaıdy.

Vedomstvo tehnıkalyq jáne kásiptik bilim berý (TjKB) mamandyqtary men biliktilikteriniń jańa synyptaýyshyn ázirlep, bekitti. Ózgerister kolledjderde oqytylatyn mamandyqtar eńbek naryǵynyń qazirgi suranystaryna sáıkes kelýi úshin jasalǵan.

Endigi kezekte oqý protsesine suranysqa ıe mamandyqtar boıynsha jańa bilim berý baǵdarlamalary engizilip jatyr.

Máselen, qazaqstandyq kolledjderde synama irikteýshi, sham jasaýshy, gýverner, zańger-konsýlt jáne taǵy basqa mamandyqtar boıynsha qabyldaý toqtatyldy.

Sondaı-aq jikteýshiden «Bilim berý uıymynyń zerthanashysy», «Patenttaný» jáne basqa da mamandyqtar alynyp tastaldy.

«Bizdiń basty maqsatymyz – bilim berý baǵdarlamalary men oqytylatyn mamandyqtardy jumys berýshilerdiń zamanaýı suranystaryna sáıkestendirý bolyp tabylady. Sondyqtan biz úlken taldaý jumystaryn júrgizip, eńbek naryǵyna monıtorıng júrgizdik. Jumys berýshilermen jáne salalyq qaýymdastyqtardyń ókilderimen kezdestik. Olardyń usynystaryn eskere otyryp, mamandyqtar jikteýishisin jańarttyq. Endi qazaqstandyq kolledjderde «Robototehnıka jáne endirilgen júıeler», «Nanomaterıaldar negizindegi buıymdar tehnologııasy», «Óndiristiń addıtıvti tehnologııalary», «Qashyqtan basqarylatyn avıatsııalyq júıe», «Ǵımarattardy jobalaý men paıdalanýdyń avtomattandyrylǵan júıeleri», «Jylyjaı sharýashylyǵyn uıymdastyrý», «Grafıkalyq jáne mýltımedııalyq dızaın», «Tas óńdeý óndirisi», «Landshaftyq dızaın», «Jyljymaıtyn múlikti basqarý», «Destınatsııany basqarý», «Qurylystaǵy smetalyq is», «Eńbekti qorǵaý jáne tehnologııalyq protsesterdiń qaýipsizdigi» jáne basqa da jańa mamandyqtar oqytylady», – dep atap ótti QR BǴM Tehnıkalyq jáne kásiptik bilim berý departamentiniń dırektory Nasymjan Ospanova.


Joǵary qaraı