Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

50-ge jýyq mádenıet qyzmetkeri Qazaqstannyń eńbek sińirgen qaıratkeri atandy

2022 jyldyń 28 mamyr 2022 19:56

ALMATY. QazAqparat - Almaty qalasynda 50-ge jýyq mádenıet qyzmetkeri «Qazaqstannyń eńbek sińirgen qaıratkeri» ataǵyn aldy, dep habarlaıdy QazAqparat tilshisi.

Bul týraly Mádenıet jáne sport mınıstri Dáýren Abaev áleýmettik jelidegi paraqshasynda málimdedi. Ol búgin ońtústikte «Ult rýhy – urpaq muraty» atty Qazaqstannyń І mádenıet forýmy ótkenin atap ótken. Elimizdiń barlyq óńirinen kelgen sala ókilderiniń, zııaly qaýymnyń basyn qosqan is-shara mádenıet pen óner tóńiregindegi kóptegen túıtkildi máseleni ortaǵa saldy.

«Ózekti taqyryptardy batyl kóterip, bolashaq rýhanı baǵyt-baǵdarymyzdy ashyq talqylaǵan spıkerlerge erekshe alǵys aıtamyn. Forým aıasynda Prezıdentimizdiń Jarlyǵymen bekitilgen 50-ge jýyq áriptesimizge «Qazaqstannyń eńbek sińirgen qaıratkeri» ataǵyn saltanatty túrde tabystadyq. Atalǵan marapat salaǵa bar sanaly ǵumyrlaryn arnaǵan naǵyz mádenıet maıtalmandaryna berildi», - dep jazdy vedomstvo basshysy Dáýren Áskerbekuly.

Forým ary qaraı mınıstrliktiń Almaty qalasy ákimdigimen birlesip uıymdastyrǵan ashyq aspan astyndaǵy tuńǵysh kitap jármeńkesimen jalǵasty.


Joǵary qaraı