Aýa raıy
Astana -6 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

5 jylda ozyq tehnologııalardy barlyq aýyl sharýashylyǵy keshenine jetkizemiz - Baǵdat Mýsın

2020 jyldyń 2 jeltoqsan 2020 10:54

NUR-SULTAN. QazAqparat - Aldaǵy 5 jylda spýtınktik jáne LoRaWAN tehnologııalary barlyq aýyl sharýashylyǵy keshenine jetkiziletin bolady. Bul týraly búgin Úkimet otyrysynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Aýyl sharýashylyǵynda tsıfrlyq sheshimderdi engizý úshin tıisti baılanys ınfraqurylymy qajet. Tsıfrly aqyldy quraldardy, ólsheý qurylǵylaryn jáne basqa da datchıkterdi qosý úshin aqparatty tasylmaldaý negizgi másele bolyp tur. Bul jumystyń aıasynda spýtınktik tehnologııalar jáne LoRaWAN sekildi basqa da standarttardy qoldaný boıynsha pılottyq joba júrgizdik», - dedi mınıstr.

Onyń aıtýynsha, atalǵan tehnologııalardy aýyl sharýashylyǵy kesheniniń barlyǵyna jetkizý mınıstrliktiń aldaǵy 5 jyldaǵy bas maqsaty sanalady.

«Ol 100 mln gektar jer kólemin qamtıdy. Memlekettik-jekeshelik áriptestik jobasy retinde 50 mlrd teńgege jýyq ınvestıtsııa tartý kózdelip otyr. Qajetti baılanys qurylǵylary men qyzmetter shyǵyndaryn sýbsıdııalaý tetikterin engizýde qarastyrylýy tıis», - dedi Baǵdat Mýsın.


Joǵary qaraı