Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

5 jylda elordada 52 adam sýǵa ketken

2021 jyldyń 3 tamyz 2021 14:52

NUR-SULTAN. QazAqparat – Elordanyń sý aıdyndarynda keıingi 5 jylda 52 adam sýǵa ketken. Onyń 12-si – bala, dep habarlaıdy QazAqparat tilshisi.

Nur-Sultan qalasy Tótenshe jaǵdaılar departamenti Azamattyq qorǵaý basqarma bastyǵy Rátbek Demeýbergen ákimdiktiń aqparat alańynda osyndaı statıstıka aıtty.

«Jyl basynan beri elordanyń sý aıdyndarynda adamdardyń qaza bolý statıstıkasy 8 adamǵa jetti. Onyń ishinde 4 jasóspirim bar. Adamdardyń qaza bolý faktileri sýǵa shomylýǵa tyıym salynǵan jáne jabdyqtalmaǵan ýchaskelerde tirkelgen», - dedi departament ókili.

Sondaı-aq, ol keıingi bes jylda Nur-Sultan aýmaǵyndaǵy sý aıdyndarynda tirkelgen qaıǵyly oqıǵalardyń stastıstıkasyn bólisti.

«2020 jyly Nur-Sultan qalasynyń sý aıdyndarynda 5 adam qaza tapty. Sońǵy 5 jylda ólim statıstıkasy 52 adamǵa jetip otyr. Onyń ishinde 12 bala bolǵan. 2017 jyly – 17 adam (onyń ishinde 2 bala), 2018 – 19 adam (onyń ishinde 9 bala), 2019 jyly – 7 adam (onyń ishinde 1 bala), 2020 jyly – 5 adam, (balalar joq) sýǵa ketken. Joǵaryda aıtylǵannyń negizinde elordanyń barlyq turǵyndary men qonaqtaryn sý aıdyndaryndaǵy qaýipsizdik talaptaryn saqtaýǵa, sondaı-aq balalardy qaraýsyz qaldyrmaýǵa jáne olardy sý aıdyndaryna ózderin jibermeýge shaqyrǵym keledi», - dedi Rátbek Demeýbergen.


Joǵary qaraı