Aýa raıy
Astana 15 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

5 shildeden bastap shashtaraz, sportzal, bazarlar men meshitter qaıta jabylady

2020 jyldyń 2 shilde 2020 12:25

NUR-SULTAN. QazAqparat - Qazaqstanda 14 kúnge birqatar nysannyń qyzmetine tyıym salynady. Mundaı sheshim QR Premer-Mınıstri Asqar Mamınniń tóraǵalyǵymen ótken Memlekettik komıssııa otyrysynda qabyldandy, dep habarlaıdy QazAqparat tilshisi.

Komıssııa sheshimimen sulýlyq salondary, shashtaraz, sport zaldary, fıtnes ortalyqtar, basseınder, azyq-túlik jáne azyq-túlik satpaıtyn jabyq bazarlar, jaǵajaılar, akvaparkter, mádenıet nysandary, mýzeıler, kórmeler, forýmdar, konferentsııalar jáne ózge de uıymdastyrylǵan buqaralyq is-sharalar, oıyn-saýyq ortalyqtary, mektepke deıingi balalar mekemeleri (kezekshi toptardan basqa) jumys istemeıdi.

Sonymen birge, dinı nysandar jáne basqa (SOSO-daǵy oıyn-saýyq ortalyqtary, oıyn-saýyq nysandary (karaoke, bılıard, kompıýter klýbtary, boýlıng ortalyqtary), kınoteatrlar, balalardy saýyqtyrý lagerleri, fýdkorttar, banket zaldary) qyzmeti toqtatylady.

Eske sala keteıik, búgin Memlekettik komıssııa epıdemıologııalyq jaǵdaıdy turaqtandyrý jónindegi sharalardy bekitken bolatyn.



Joǵary qaraı