Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

4 paıyzdyq avtonesıe boıynsha kezegin ózgege berýge bolmaıdy

2022 jyldyń 16 mamyr 2022 14:30

NUR-SULTAN. QazAqparat – 4 paıyzdyq avtonesıe boıynsha ár adam óz kezegin basqaǵa berýge ruqsat joq. Bul týraly «Ónerkásipti damytý qory» aktsıonerlik qoǵamy basqarma tóraǵasynyń orynbasary Rınat Gapparov arnaıy brıfıngide aıtty, dep habarlaıdy QazAqparat tilshisi.

«Avtonesıe alǵysy keletin tutynýshylarǵa myna málimetti jetkizý mańyzdy. Avtosalonda bar kólikke ótinim berip, sol boıynsha nesıeni jyldam ala qoıý múmkin emes. Baǵdarlama sharty boıynsha, kezekte kórsetilgen kóliktiń markasy men modelin ózgertýge bolmaıdy. Tutynýshy VIN-kody bar tólem shotyn alyp qoıǵan bolsa, basqa kólikke aýystyra almaıdy. Aınyp qalsa, basqa kólik alý úshin qaıtadan basynan bastap kezekke turý kerek bolady», - dedi qordyń ókili.

Sondaı-aq, ol kezektiń ıesin de ózgertý múmkin emes ekenin eskertti.

«Naqty bir adamnyń atyna jazylǵan tólem shotyn basqa adamǵa berýge ruqsat joq. ıAǵnı tólem shotyndaǵy jeke tulǵanyń aty-jónin órgertýge bolmaıdy. Sonda tólem shotynda kórsetilgen kóliktiń túrin de, adamnyń atyn da ózgertý múmkin emes», - dedi Rınat Gapparov.

Aıta keteıik, búgin Qazaqstanda 4 paıyzdyq jeńildetilgen avtonesıe berý bastaldy.


Avtor Esimjan Naqtybaı
Basty sózder: Qoǵam, Kredıt, Nesıe, Kólik,
Joǵary qaraı