Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

4 paıyzdyq avtonesıe: 20 paıyzdyq alǵashqy jarna joıylady

2022 jyldyń 24 qańtar 2022 21:54

NUR-SULTAN. QazAqparat – QR Indýstrııa jáne ınfraqurylymdyq damý mınıstrligi 4 paıyzdyq avtonesıe baǵdarlamasyn qaıta jandandyrýdy usynyp otyr. Bul týraly vıtse-mınıstr Marat Qarabaev «Habar» telearnasyndaǵy «Bolshaıa nedelıa» baǵdarlamasynda málim etti, dep habarlaıdy QazAqparat tilshisi.

«Memleket basshysynyń aldymyzǵa qoıǵan eń basty máselesi avtomobıldiń qoljetimdiligin qamtamasyz etý boldy. 2015-2018 jyldar aralyǵynda osy maqsatqa 82 mlrd teńge bólingen bolatyn. Revolerlik qaıtarymyn eskersek, 142 mlrd teńgege deıin ósken. Osyndaı 4 paıyzdyq utymdy baǵdarlama arqyly qazaqstandyqtar 30 myńdaı kólik satyp alǵan. Qazir ol baǵdarlama boıynsha aqsha bólinip jatqan joq. Biraq revolerlik qaıtarymy áli aınalymda júr. Onyń mólsheri suranysty qanaǵattandyrýǵa jetpeıdi. Biz ony moıyndaımyz», - dedi Marat Qarabaev.

Osyny eskergen vedomstvo mynadaı shara usynyp otyr.

«Máseleni sheshýdiń bir joly retinde ÓKM shottarynda jınaqtalǵan qarajattyń belgili bir bóligin halyqqa 4 paıyzdyq avtonesıe retinde berýdi usynamyz. ıAǵnı, ÓKM shottaryndaǵy qarajat halyqqa avtonesıe retinde baǵyttalady. Taǵy bir utymdy tetik dep oılaımyn, buryn 4 paıyzdyq baǵdarlamaǵa qatysý úshin 20 paıyz óz qarajatyńdy salý kerek bolsa, endi alǵashqy jarnany alyp tastaý máselesin qarastyryp jatyrmyz. Sonda Qazaqstannyń qarapaıym azamaty avtosalonǵa kelip kólik tańdaıdy da, bir de bir teńge tólemesten, 4 paıyzǵa avtoneıse alady», - dedi vıtse-mınıstr.

Buǵan deıin 4 paıyzdyq nesıe kez kelgen klastaǵy avtomobılge beriletin. Onyń ishinde qymbat kólikter de osy nesıemen satyp alynatyn.

«Endi biz bul nesıeni naqty orta klastaǵy kólikterge baǵyttamaqshymyz. ıAǵnı, bıýdjettik avtomobılder sanatyn jasap, naqty bir somadan aspaýyn qadaǵalaımyz. Ol somany áli talqylaımyz. Osy tetik boıynsha halyqtyń kólik alýyna ǵana jol ashpaı, qalalardyń avtobýs parkin de jańartýdy oılastyryp jatyrmyz», - dedi mınıstrdiń orynbasary.


Joǵary qaraı