Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

31 shilde. Týǵan kún ıeleri

2021 jyldyń 31 shilde 2021 08:08

NUR-SULTAN. QazAqparat - Búgin, ıaǵnı 31 shilde kúni tulǵalardan kim dúnıege kelgen? QazAqparat oqyrmandaryna esimder kúntizbesin usynady.

ESІMDER




58 jyl buryn (1963) Qazaqstan Respýblıkasy Joǵarǵy sotynyń sýdıasy Valerıı Vladımırovıch NOZDRIN dúnıege keldi.

Almatyda týǵan. 1986 jyly S.M.Kırov atyndaǵy Qazaq memlekettik ýnıversıtetin támamdaǵan.

Eńbek joly: 1980-1981 jyldary V.I.Lenın atyndaǵy Qazaq polıtehnıkalyq ınstıtýtynyń laboranty, 1986-1987 jyldary Almaty qalasy Máskeý aýdandyq prokýratýrasynyń bos turǵan tergeýshi qyzmetiniń taǵylymgeri, tergeýshisi, 19891990 jyldary Almaty qalasy Máskeý aýdandyq prokýratýrasynda aǵa tergeýshi, prokýrordyń aǵa kómekshisi, kómekshi, 1990-1991 jyldary Almaty qalalyq prokýratýrasy tergeý bóliminiń prokýrory, 1991-1992 jyldary Qazaq SSR prokýratýrasy sot úkiminiń zańdylyǵyn baqylaý basqarmasynyń prokýrory, 1992-1995 jyldary Almaty qalasy advokattar alqasynyń múshesi, 1995-1997 jyldary Almaty qalasy Sovet aýdandyq sotynyń sýdıasy, 1997-2000 jyldary Almaty qalalyq sotynyń sýdıasy.

Qazirgi qyzmetinde – 2000 jyldyń maýsymynan.




55 jyl buryn (1966) Qazaqstan Respýblıkasy Parlamenti Senaty janyndaǵy Senatorlar keńesiniń múshesi Ańsar Tursynhanuly MUSAHANOV dúnıege keldi.

Almaty oblysynda týǵan. Almaty mal dárigerlik ınstıtýtyn, Qazaq ulttyq agrarlyq ýnıversıtetin bitirgen, mamandyǵy boıynsha - mal dárigeri, memlekettik jáne jergilikti basqarý menedjeri.

Eńbek jolyn Kúrti aýdanyndaǵy «Quıǵan» keńsharynda qarapaıym jumysshy bolyp bastady. Joǵary oqý ornyn bitirgennen keıin ár jyldary SSSR-dyń 60 jyldyǵy atyndaǵy keńsharda mal dárigeri, Kúrti aýdanynyń bas mal dárigeri, Jambyl aýdany Uzynaǵash stansasy mal ýchaskesiniń meńgerýshisi, Temirjol aýyldyq okrýginiń ákimi, Aqseńgir tájirıbelik sharýashylyǵynyń dırektory, «Qazybek bek» JShS dırektory bolyp jumys istedi. Almaty oblysynyń memlekettik basqarý organdarynda basshylyq laýazymdarda qyzmet atqardy. 2003-2005 jyldary - Qazaqstan Respýblıkasy Aýyl sharýashylyǵy mınıstrligi Qarasaı aýdandyq aýmaqtyq basqarmasynyń bastyǵy. 2005-2006 jyldary - Іle aýdany ákiminiń orynbasary. 2006-2009 jyldary - Jambyl jáne Qarasaı aýdandarynyń ákimi. 2009-2010 jyldary - Qazaqstan Respýblıkasy Prezıdenti Ákimshiliginiń memlekettik ınspektory. 2010-2011 jyldary - Almaty oblysy ákiminiń orynbasary qyzmetin atqarǵan. 2011-2014 jyldary Almaty oblysynyń ákimi.




52 jyl buryn (1969) Qazaqstan Respýblıkasy Joǵarǵy sotynyń sýdıasy Talǵat Áýlıehanuly IBRAShEV dúnıege keldi.

Qostanaı oblysy Lısakovsk qalasynda týǵan. 1995 jyly Ýralsk memlekettik zań akademııasyn (Ekaterınbýrg q.) zańger mamandyǵymen támamdaǵan.

Eńbek joly: Arqalyq q. «Agroprom» MTS Torǵaı oblystyq bazasynyń júk tasýshysy (1986-1987); Arqalyq q. «Agropromtehnıka» RTP júk tasýshysy (1989-1990); daıyndyq bóliminiń tyńdaýshysy (1990); Torǵaı oblysy keden basqarmasynyń kontrabandaǵa jáne keden erejelerin buzýǵa qarsy kúres bóliminiń ınspektory, aǵa ınspektory, bastyǵy (1993-1996); Torǵaı oblystyq sotynyń aǵa konsýltanty (1996-1997); Arqalyq qalasy sotynyń sýdıasy (1997-1999); Qostanaı oblystyq sotynyń sýdıasy (1999-2004); Qostanaı oblysy Qostanaı aýdandyq sotynyń tóraǵasy (2004-2009); Qostanaı qalasynyń mamandandyrylǵan ákimshilik sotynyń tóraǵasy (2009-2012); Rýdnyı qalalyq sotynyń tóraǵasy (2012-2015).

Qazirgi qyzmetinde - 2015 jyldyń jeltoqsanynan bastap.




46 jyl buryn (1975) - QR Qarjy naryǵyn retteý jáne damytý jónindegi agenttik tóraǵasynyń birinshi orynbasary Oleg Aleksandrovıch SMOLıAKOV dúnıege keldi.

Almatyda týǵan. Qazaq memlekettik basqarý akademııasyn bitirgen, ekonomıst (1996); National Graduate Institute for Policy Studies (Japonııa), memlekettik saıasat sheberi (2001); University of Warwick (Ulybrıtanııa), qarjy jáne ekonomıka ǵylymdarynyń magıstri (2011).

Eńbek joly: QR UB halyqaralyq ınvestıtsııalar balansy sektorynyń jetekshi ekonomısi (1996-1998); QR UB tólem teńgerimi, kapıtal qozǵalysy basqarmasynyń bas ekonomısi (1998-2002); QR UB tólem teńgerimi basqarmasy bastyǵynyń orynbasary (2002-2004); QR UB tólem teńgerimi jáne valıýtalyq retteý departamenti dırektorynyń orynbasary (2004-2006); QR UB qarjy turaqtylyǵy basqarmasynyń bastyǵy (2006-2011); QR UB qarjy turaqtylyǵy departamentiniń dırektory (2011-2014); QR UB qarjy turaqtylyǵy jáne táýekelderdi basqarý departamentiniń dırektory (06.2014-09.2014). 2014-2019 jyldary QR Ulttyq banki tóraǵasynyń orynbasary bolǵan.

Qazirgi qyzmetinde 2019 jyldyń jeltoqsanynan beri.




43 jyl buryn (1978) «QazAqparat» HAA» AQ Basqarma tóraǵasynyń orynbasary Danııar Bolatuly ÝTEShEV dúnıege keldi.

Almaty qalasynda týǵan. Q.A.ıAssaýı atyndaǵy halyqaralyq qazaq-túrik ýnıversıtetin támamdaǵan.

Eńbek joly: «Avtotsentr Býtıa» JShS menedjeri (02.1997-08.1997); «Raıymbek» JK menedjeri (1997-1998); «Zańǵar «RTD« AQ ekonomısti (1998-1999); «Salyq Konsaltıng« JShS keńesshisiniń kómekshisi (1999-2000); «BestConsultingCompany« JShS bas mamany (2001-2004); «Qazaqstan Halyq banki« AQ marketıng departamentiniń menedjeri (2004-2005); «Astana qalasynyń teledıdary« JShS Almaty fılıalynyń dırektory (2006-2008); «TRK NS Radıo - Ulttyq Jelisi« JShS bas dırektorynyń orynbasary (02.2006-09.2006); «TRK NS Radıo - Ulttyq jelisi« JShS bas dırektory (2006-2017); «QazAqparat« HAA « JShS bas dırektorynyń birinshi orynbasary (2017-2020).

Qazirgi qyzmetinde - 2020 jyldan beri.


Basty sózder: Kúntizbe,
Joǵary qaraı