Aýa raıy
Astana 5 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

31 shilde. QazAqparat kúntizbesi

2020 jyldyń 31 shilde 2020 07:00

NUR-SULTAN. QazAqparat - QazAqparat oqyrmandaryna 2020 jylǵy 31 shildege arnalǵan kúntizbesin usynady.

Qurban aıt merekesi

Kúlli musylmannyń ulyq merekesi - Oraza aıttan keıin 70 kúnnen soń bastalyp, 3 kúnge sozylady. Qurban aıt - álemdegi musylman qaýymnyń eń qasıetti merekesi. Qurban sózi - arab tilinde «jaqyndaý» degendi bildiredi. Qurbandyqqa qoı, eshki, sıyr, túıe sekildi maldar soıylady. Qurban aıt merekesiniń birinshi kúni Qazaqstanda demalys kúni bolyp jarııalanǵan.

Dúnıejúzilik reındjer kúni

Jyl saıyn atalyp ótiledi. Halyqaralyq reındjer federatsııasy (International Ranger Federation, IRF) bekitken. Alǵash ret 2007 jyly IRF-tiń 15 jyldyǵyna oraı atalyp ótildi. Reındjerler - erekshe qorǵalatyn tabıǵı aýmaqtardaǵy – qoryqtar, ulttyq parkter, jabaıy tabıǵat rezervattary jáne basqa da nysandardaǵy jabaıy ańdardy brakonerlerden qorǵaıtyn adamdar.

Júıe ákimshisi kúni

Korporatıvtik jelilerdiń, derekqorlardyń, poshta júıeleriniń, baǵdarlamalyq keshenderdiń ákimshileri jyl saıyn shilde aıynyń sońǵy jumasynda ózderiniń kásibı merekesin atap ótedi. Onyń negizin qalaǵan – Chıkagodan shyqqan ákimshi Ted Kekatos. Ákimshiler kúni alǵash ret 1999 jylǵy 28 shildede atalyp ótken.



ESTE QALAR OQIǴALAR

1929 jyly belgili ǵalym-astronom Nıkolaı Stepanovıch Chernyh sansyz juldyzdardyń arasynan belgisiz №2402 ǵalamshardy ashyp, ony ǵulama ǵalym Qanysh Sátbaevtyń esimimen atady. Shaǵyn ǵalamshar Jerge árbir 5 jylda jaqyn keledi.

1959 jyly Qazaq SSR Joǵarǵy Keńesi Prezıdıýmynyń Jarlyǵymen Aqtaý eldi mekeni jumysshy kenti sanatyna endi. Oǵan Aqtaý kenti degen ataý berildi.

2005 jyly «Qazposhta» AQ «Sáýlet» serııasynan Beıbitshilik jáne kelisim saraıy beınelengen jańa poshta markasyn aınalymǵa engizdi. Markanyń tırajy – 50 000 dana. Beıbitshilik jáne kelisim saraıy Qazaqstan halqynyń konfessııaaralyq kelisimin nyǵaıtady. Onyń qurylysy týraly sheshim 2003 jyly Álemdik dástúrli dinder sezinde qabyldanǵan bolatyn. Ǵımarat Esil ózeniniń sol jaq jaǵalaýynda ornalasqan.

2017 jyly Astanada ótken HІІІ Halyqaralyq «Eýrazııa» kınofestıvaliniń aıasyndaǵy «Bes qurlyq» balalar fılmderi festıvalinde «Úzdik stsenarıı» atalymynda «SAQ» stýdııasynyń tolyq metrajdy «Qazaq eli» anımatsııalyq fılmi jeńiske jetti.

2017 jyly aǵymdaǵy koeffıtsıentter boıynsha «Astana» Qazaqstan klýbtarynyń arasynda alǵash ret Eýropanyń úzdik 100 klýbynyń qataryna kirdi. «Astana» FK 2018 jylǵy shildedegi jaǵdaı boıynsha ÝEFA reıtınginde 67-orynǵa jaıǵasty.

2018 jyly Sh.Aımanov atyndaǵy «Qazaqfılm» AQ túsirgen «Altyn Emel» derekti fılmi Qytaıdyń Taıchjoý qalasynda ótken kıno men týrızm salasyndaǵy Azııa óner aptalyǵynda «Úzdik sheteldik derekti fılm» sanatynda syılyqqa ıe boldy. Oleg Belıalov túsirgen derekti fılmde «Altyn emel» memlekettik ulttyq tabıǵı parkiniń ásem tabıǵaty týraly aıtylǵan.

2019 jyly Baıqońyr ǵarysh aılaǵynan ushyrylǵan «Progress MS-12» kóliktik júk kemesi Halyqaralyq ǵarysh stansasyna (HǴS) ushý jyldamdyǵy boıynsha rekord ornatty. «Progress MS-12» júk kemesi áýege ushqan ýaqyttan bastap HǴS-ǵa túıiskenge deıin 3 saǵat 19 mınýt jumsaǵan. Ol HǴS ushý tarıhyndaǵy eń «jyldam» ǵarysh kemesi atandy.

Basty sózder: Kúntizbe,
Joǵary qaraı