Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

300 myńnan astam qazaqstandyq zııandy eńbek jaǵdaıynda jumys isteıdi

2022 jyldyń 26 mamyr 2022 17:53

NUR-SULTAN. QazAqparat – 300 myńnan astam qazaqstandyq zııandy eńbek jaǵdaıynda jumys isteıdi. Bul jaıynda QR Eńbek jáne halyqty áleýmettik qorǵaý birinshi vıtse-mınıstri Ahmádı Sarbasov málim etti, dep habarlaıdy QazAqparat tilshisi.

«Búginde elimizde 300 myńnan astam jumysshy zııandy eńbek jaǵdaıynda jumys istep júr. Jumys berýshiler bul maqsatqa jyl saıyn Eńbek kodeksinde kózdelgen kepildi qamtamasyz etý úshin qomaqty qarajat jumsaıdy. Sondyqtan da bizdiń birlesken mindetimiz – nóldik jaraqattanýdy qamtamasyz etý», - dedi birinshi vıtse-mınıstr elordada ótip jatqan KIOSH-2022 X Qazaqstandyq eńbekti qorǵaý jáne ónerkásiptik qaýipsizdik jónindegi halyqaralyq konferentsııa barysynda.

Onyń atap ótýinshe, ótken jyly Qazaqstan Úkimeti áleýmettik seriktesterimen birge jaraqattanýdyń nóldik kórsetkishin qamtamasyz etýge baǵyttalǵan is-sharalar josparyn qabyldady.

«Samuryq-Qazyna» qorymen, sonymen qatar Halyqaralyq áleýmettik qamtamasyz etý qaýymdastyǵymen memorandýmǵa qol qoıyldy. Bul is-sharalardyń barlyǵy jumys ornyndaǵy zııandy jumys faktorlaryn tómendetýge jáne nóldik jaraqattanýdy qamtamasyz etýge baǵyttalǵan. Osy maqsatta ótken jyly Úkimet 2025 jylǵa deıingi is-sharalardyń arnaýly josparyn qabyldady. Onyń aıasynda biz áleýmettik seriktestermen birge nóldik jaraqattanýǵa jáne zııandy eńbek jaǵdaılary bar jumys oryndarynyń sanyn qysqartýǵa qol jetkizýmiz qajet», - dedi Aqmádı Sarbasov.


Joǵary qaraı