Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

300-ge jýyq qazaqstandyq áskerı Halyqaralyq armııa oıyndaryna qatysady

2021 jyldyń 16 mamyr 2021 13:44

NUR-SULTAN. QazAqparat – QR Qorǵanys mınıstriniń keńesshisi, general-maıor Ádilbek Aldabergenov bıylǵy Halyqaralyq armııa oıyndarynyń qalaı ótetinin aıtyp berdi, dep habarlaıdy QazAqparat.

«Halyqaralyq armııa oıyndaryna qatysý óte mańyzdy. Birinshiden, bul áskerı yntymaqtastyqty nyǵaıtýǵa jáne damytýǵa kómektesedi. Bizdiń áskerı qyzmetshilerimiz jarys alańynda jáne odan tys kezdesedi, basqa memleketterdiń áskerı qyzmetshilerimen tanysady. Ekinshisi – tájirıbe almasý. Bizdiń áskerıler jarystarǵa qatysyp, jaýyngerlik daıarlyq elementterin úırenedi, óz tájirıbesin jetildiredi. Úshinshiden, bul bizdiń Qarýly kúshterimiz ben memleketimizdiń bedelin arttyrady. Bizdiń áskerıler Armııa oıyndarynda árdaıym aldyńǵy oryndardy alady jáne bizge qurmetpen, tipti keıbiri qorqynyshpen qaraıdy», - dedi Á. Aldabergenov Qorǵanys mınıstrligi uıymdastyrǵan onlaın brıfıngte.




Bıylǵy Armııa oıyndary 22 tamyz ben 4 qyrkúıek aralyǵynda 12 memleket aýmaǵynda ótedi.

«Armııa oıyndaryn onlaın ótkizý múmkin emes. Bıyl 34 konkýrs boıynsha 12 memlekette armııa oıyndaryn ótkizý josparlanǵan. Reseıde 16 konkýrs, Qytaıda, Iranda, Belarýste – úsh konkýrstan, Vetnamda, Qazaqstanda jáne Ózbekstanda - eki konkýrstan, Aljırde, Armenııada, Katarda, Monǵolııada jáne Serbııada – bir konkýrstan ótedi», - deıdi Ádilbek Aldabergenov.

Bıyl Armııa oıyndaryna Qazaqstan Qarýly Kúshteriniń 300-ge jýyq áskerı qyzmetshisi qatysady.

«Biz 11 baıqaýǵa qatysamyz: «Tank bıatlony» – tank ekıpajdarynyń saıysy, «Desant vzvody» – desantshylar jarysy, «Elbrýs saqınasy» – alpınıster jarysy, «Adal dos» – kınologtar saıysy, «Mádenıet armııasy» – shyǵarmashylyq ujymdar saıysy, «Teńiz kýbogy» – keme ekıpajdarynyń jarysy, «Taktıkalyq atqysh» – jyldam praktıkalyq atys mamandarynyń saıysy, «At marafony» – at bólimsheleriniń jarysy, «Artıllerııalyq atys sheberleri» – mınomet toptarynyń saıysy, «Suńqarmen ańshylyq» – pılotsyz ushý apparattary toptarynyń saıysy jáne «Beıbitshilik jaýyngeri» – kásipqoı serjanttar saıysy», - dep túsindirdi spıker.

Sondaı-aq, bıyl Qazaqstan aýmaǵynda eki konkýrs – «Artıllerııalyq atys sheberleri» jáne «Suńqarmen ańshylyq» ótedi.

«Áskerı oıyndardy uıymdastyrýda epıdemıologııalyq talaptar eskeriledi. Áskerı qyzmetshilerdiń qarym-qatynasy shekteýledi jáne oqshaýlanady, tamaqtaný bólek uıymdastyrylady. Vaktsınalaý júrgizildi, ázirge onyń birinshi kezeńinen bizdiń komandalar 100% ótti. Qazir «Tank bıatlony», «Elbrýs saqınasy» jáne «Desant vzvody» komandalaryn vaktsınalaýdyń ekinshi kezeńi bastaldy, vaktsınanyń ekinshi dozasy alyndy. Qalǵan komandalar shilde aıynyń ortasyna deıin vaktsınanyń ekinshi komponentin alady», - dedi spıker.

Sondaı-aq, Qorǵanys mınıstri keńesshisiniń aıtýynsha, komandalardy irikteý qańtar-naýryz aılarynda brıgadalar men aımaqtyq komandalarda júrgizilgen.

12 sáýirden bastap daıyndyqtyń birinshi kezeńi bastaldy, 28 maýsymǵa deıin qosymsha irikteý ótkizý josparlanǵan.

Qurama komandalar daıyndyqty 14 maýsymnan 6 tamyzǵa deıin jalǵastyrady. 6 tamyzdan bastap qatysýshylar jarys ótetin jerlerge barady.


Joǵary qaraı