Aýa raıy
Astana -24 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

30 qarasha. Týǵan kún ıeleri

2020 jyldyń 30 qarasha 2020 08:08

NUR-SULTAN. QazAqparat - Búgin, ıaǵnı 30 qarasha kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




48 jyl buryn (1972) Qazaqstan Respýblıkasynyń Tótenshe jaǵdaılar birinshi vıtse-mınıstri Ibragım Dáýkesuly KÚLShІMBAEV dúnıege kelgen.

Qaraǵandy oblysynda týǵan. Qaraǵandy polıtehnıkalyq ınstıtýtyn (1994); Reseı tótenshe jaǵdaılar mınıstrliginiń Azamattyq qorǵanys Akademııasyn (2002) bitirgen.

Eńbek joly: 1996 jyly tank vzvodynyń komandıri, tank polkindegi shtab bastyǵynyń orynbasary boldy. 2000 jyly QR TJM 52859 áskerı bólimi rota komandıriniń tárbıe jáne áleýmettik-quqyqtyq jumystar jónindegi orynbasary qyzmetin atqardy. 2002-2004 jyldar aralyǵynda - RF TJM azamattyq qorǵaý áskerı akademııasynyń tyńdaýshysy, úzdik támamdady. 2004 jyly Qaraǵandy oblystyq tótenshe jaǵdaılar basqarmasy Daıyndyq jáne oqytý ortalyǵynyń bólim basshysynyń orynbasary qyzmetin atqardy. 2005-2006 jyldary – TJM Qaraǵandy oblysy TJ departamentiniń Balqash qalasy TJ basqarmasy bastyǵynyń orynbasary. 2006-2009 jyldary –QR TJM Qaraǵandy oblysy TJ departamenti Balqash qalasy TJ basqarmasynyń bastyǵy. 2009 jyly QR TJM 52859 áskerı bóliminiń komandıri boldy. 2013-2016 jyldary – Astana qalasy Tótenshe jaǵdaılar departamenti basshysynyń orynbasary. 2016 jyly - Qaraǵandy oblysy Tótenshe jaǵdaılar departamentiniń basshysy qyzmetin atqardy.

Qazirgi qyzmetinde 2020 jyldyń qazan aıynan bastap.

«Qazaqstan Respýblıkasynyń qarýly kúshterine 10 jyl», ІІІ-shi dárejeli «Minsiz qyzmeti úshin», «Tótenshe jaǵdaılardyń aldyn alýda jáne joıýda úzdik shyqqany úshin», «Qazaqstan Respýblıkasynyń Táýelsizdigine 20 jyl», «Qazaqstan Respýblıkasynyń qarýly kúshterine 20 jyl» medaldarymen; «Qutqarý operatsııalaryna belsendi qatysqany úshin», «Tótenshe jaǵdaılar organdarynyń qurmetti qyzmetkeri» tós belgilerimen marapattalǵan.





47 jyl buryn (1973) Pavlodar oblysy ákiminiń birinshi orynbasary Suńǵat Qýatuly ESІMHANOV dúnıege keldi.

Pavlodar oblysynda týǵan. S. Toraıǵyrov atyndaǵy Pavlodar memlekettik ýnıversıteti (1996), mamandyǵy - bıznes jáne menedjment; «Bolashaq» ınstıtýty (2007), mamandyǵy - zańger.

Eńbek joly: «Qazaqstan alıýmınııi» AQ ınjeneri, ekonomıst-normalaýshy, ekinshi dárejeli ekonomıst (1996-2000); Qazaqstan Respýblıkasynyń Tabıǵı monopolııalardy retteý jáne básekelestikti qorǵaý agenttiginiń Astana qalasy boıynsha departamentiniń bas mamany, bólim bastyǵy, dırektordyń orynbasary (2001-2003); Astana qalasy boıynsha Jıyntyq taldaý jáne úılestirý departamenti óńirlik bólimsheleri qyzmetin úılestirý basqarmasynyń bastyǵy, Astana qalasy boıynsha Ákimshilik jáne aýmaqtyq departamenti aýmaqtyq, kadr jumysy jáne memlekettik tildi damytý jáne aýdarma basqarmasynyń bastyǵy (2003-2004); Qazaqstan Respýblıkasynyń Tabıǵı monopolııalardy retteý jáne básekelestikti qorǵaý agenttiginiń Mańǵystaý oblysy jáne Qaraǵandy oblysy boıynsha departamentiniń dırektory (2004-2007); Astana qalasy «Igilik grýpp-HHI» JShS-nyń qarjy dırektory (2007-2008); «Qanysh Sátbaev atyndaǵy kanal» RMK bas dırektorynyń orynbasary (2008); Pavlodar oblysy Energetıka jáne kommýnaldyq sharýashylyq basqarmasynyń basshysy (2008-2010); «Qazaqenergııasaraptama» aktsıonerlik qoǵamynyń Prezıdenti (2010-2014); Qazaqstan Respýblıkasy energetıka mınıstrliginiń atomdyq jáne energetıkalyq qadaǵalaý men baqylaý komıtetiniń tóraǵasy (2014-2018). Qazaqstan Respýblıkasynyń energetıka vıtse-mınıstri (2018-2020).

Qazirgi qyzmetinde 2020 jylǵy aqpannan beri.




44 jyl buryn (1976) Almaty oblysy ákiminiń orynbasary Batyrjan Qulaımergenuly BAIJUMANOV dúnıege keldi.

Qazaq memlekettik agrarlyq ýnıversıtetin jáne Abaı atyndaǵy Qazaq Ulttyq ýnıversıtetin bitirgen. Mamandyǵy boıynsha - ǵalym agronom, menedjer. 2008 jyly «Detsentralızatsııa» baǵdarlamasy arqyly Dıýk ýnıversıtetinde (AQSh) bilim aldy.

Eńbek jolyn 1999 jyly bastap, Almaty qalasyndaǵy bıznes qurylymdarynda jumys istedi. Ár jyldarda QR Premer-Mınıstri keńsesiniń aǵa mamany, sarapshysy, QR Prezıdenti keńsesiniń aǵa, bas sarapshysy, konsýltanty, QR Prezıdenti ákimshiliginiń ınspektory, memlekettik ınspektory, «QazAgroInnovatsııa» AQ basqarma tóraǵasynyń orynbasary qyzmetterin atqarǵan. 2015 jyldyń qazan aıynan - «Ulttyq agrarlyq ǵylymı-bilim berý ortalyǵy» AQ basqarma tóraǵasynyń orynbasary qyzmetin atqardy. 2017-2019 jyldary Almaty oblysy ákiminiń apparat basshysy bolǵan.

Qazirgi qyzmetinde – 2019 jyldyń qyrkúıeginen.

«Eren eńbegi úshin» medalimen jáne taǵy 3 medalmen marapattalǵan.





39 jyl buryn (1981) Oral qalasynyń prokýrory Meıirbek Saǵyndyquly TІLEÝLIEV dúnıege keldi.

Oral qalasynda týǵan. Eńbek joly: 2004-2007 jyldary – Oral qalasy prokýrorynyń kómekshisi, aǵa kómekshisi. 2007-2007 jyldary – Batys Qazaqstan oblysy prokýratýrasynyń tergeý jáne anyqtaý zańdylyǵyn qadaǵalaý basqarmasynyń prokýrory, aǵa prokýrory. 2009-2018 jyldary – Bas prokýratýranyń qylmystyq protsestiń sotqa deıingi satysynyń zańdylyǵyn qadaǵalaý jónindegi departamentiniń prokýrory, aǵa prokýrory, bólim bastyǵy jáne Bas prokýrordyń kómekshisi. 2018-2019 jyldary – Atyraý oblysy Qurmanǵazy aýdany prokýratýrasynyń bastyǵy.

Qazirgi qyzmetinde 2019 jyldyń qyrkúıeginen bastap.




36 jyl buryn (1984) sportshy, jeńil atlet, QR Olımpıada quramasynyń múshesi, úsh qarǵyp sekirýden London Olıpıadasynyń chempıony, Qazaqstan tarıhynda qatarynan úsh Olımpıadada júldege ıe bolǵan alǵashqy sportshy Olga Sergeevna RYPAKOVA dúnıege keldi.

Óskemen qalasynda týǵan. Qazaq sport jáne týrızm akademııasynyń olımpıadalyq sport túrleri fakýltetin bitirdi, jeńil atletıkadan jattyqtyrýshy-oqytýshy.

1994 jyldan Óskemendegi №4 balalar men jasóspirimder sport mektebiniń jeńil atletıkadan sportshysy. 2000 jyldan Óskemen qalasyndaǵy «Shyǵys Qazaqstan oblystyq mamandandyrylǵan balalar men jasóspirimder olımpıadalyq rezervter sport mektebinde daıyndyqtan ótti.

London Olımpıadasynda altyn, Beıjiń jáne Rıo-de-Janeıro Olımpıadalarynda qola júlde ıelendi. XVI Azııa oıyndarynyń altyn, kúmis júldegeri. QR kópsaıysynan birneshe márte jeńimpazy jáne júldegeri. Jasóspirimder arasyndaǵy álem chempıonatynda (Vengrııa, 2001) 4-oryn aldy, álem chemıonatynyń kúmis júldegeri (ıAmaıka, 2002); І Azııalyq bessaıys oıyndarynyń chempıony jáne basqa da kóptegen halyqaralyq jarystarda jeńimpaz jáne júldeger atandy. Uzyndyqqa jáne úsh qarǵyp sekirýden úsh márte (2007, 2008, 2009) Azııa chempıony. Búkilálemdik Ýnıversıada chempıony (2007). Álem chempıony (Doha, 2010). Jabyq ǵımaratta ótken álem chempıonatynyń jeńimpazy (Katar, 2010). Dúnıejúzilik «Gaýhartas lıgasy» kezeńderiniń jeńimpazy jáne júldegeri.





35 jyl buryn (1985) Qostanaı oblysy ákiminiń orynbasary Erlan Hamardınuly QOIShYBAEV dúnıege keldi.

Almaty qalasynda dúnıege kelgen. 2007 jyly American University in Dubai (qarjy jáne bank isi), 2008 jyly Qazaq gýmanıtarlyq zań ýnıversıtetitin (zańtaný), 2017 jyly Qazaq kólik jáne kommýnıkatsııalar akademııasyn (logıstıka (kólik)), 2018 jyly Reseı Federatsııasy Prezıdenti janyndaǵy Reseı buqaralyq sharýashylyq jáne memlekettik qyzmet akademııasyn (óńirlik jáne mýnıtsıpaldyq menedjment) bitirdi.

Eńbek joly: 2007-2010 jyldary – Qazaqstan Respýblıkasy qarjy mınıstriniń kómekshisi; 2010-2011 jyldary – «Samuryq-Qazyna-Invest» JShS-niń ınvestıtsııalyq jobalar departamentiniń dırektory; 2011-2013 jyldary – «Qazaqstan temir joly» ulttyq kompanııasy» AQ enshiles uıymy «Kólik logıstıkasyn damytý ulttyq ortalyǵy» AQ vıtse-prezıdenti; 2013-2013 jyldary – «Qazaqstan temir joly» ulttyq kompanııasy» AQ fılıaly – «Kólik logıstıkasyn damytý ortalyǵy» dırektorynyń orynbasary; 2013-2015 jyldary – «Kólik qyzmetteri ortalyǵy» AQ prezıdenti; 2015-2018 jyldary – «KTZ EXSPRESS» aktsıonerlik qoǵamynyń logıstıka boıynsha bas dırektorynyń orynbasary; 2018-2019 jyldary – «Qazaqstandyq ındýstrııany damytý ınstıtýty» aktsıonerlik qoǵamy Basqarma Tóraǵasynyń orynbasary.

2019 jyldan bastap - Qostanaı oblysy ákiminiń orynbasary.


Basty sózder: Kúntizbe,
Joǵary qaraı