Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

29 kórshimiz onkologııadan kóz jumdy - elordalyqtar elektrmen jabdyqtaýshy kompanııany sotqa bermekshi

2022 jyldyń 20 mamyr 2022 18:23

NUR-SULTAN. QazAqparat – QR Energetıka mınıstri Bolat Aqsholaqov joǵary kerneýli elektr symynyń astynda turǵan úılerdiń turǵyndarymen kezdesetin boldy, dep habarlaıdy QazAqparat tilshisi.

Nur-Sultan qalasy turǵyndarynyń Energetıka mınıstrimen kezdesýinde Baıqońyr aýdany Kúltegin kóshesinde turatyn Gúlden Ádilbekqyzy úıiniń ústinen joǵary kerneýli elektr symy tartylǵanyn másele etip kóterdi.

«Biz kúrdeli máselege tap kelip otyrmyz. 1996 jyly Aqmola óńirlik elektrjeli kompanııasy 110 myń volttik joǵary kerneýli jelini búkil sanıtarlyq erejelerdi buza otyryp tartqan bolatyn. Tóbemizde asa qýatty qondyrǵylar tur. Saldarynan densaýlyǵymyzǵa orasan zııan kelip jatyr. Sol kezden beri onkologııadan kóz jumǵan 29 adamdy jerledik. Endi balalarymyz da aýyra bastady. Medıtsına mamandary taldaý júrgizip, saraptama jasady. Bizdiń shaǵyn ǵana qıylystaǵy turǵyndardyń 73 paıyzy asqynǵan sozylmaly jáne onkologııalyq aýrýlar boıynsha esepte tur eken», - dedi qala turǵyny.

Aıtýynsha, bul problemany ákimdikke de, elektr qýatymen jabdyqtaýshy kompanııanyń basshylaryna da aıtqan. Biraq nátıje bolmaı jatyr.

«Problemanyń sebebin baıaǵyda túsingenbiz. Bári birtindep sheshiletinin aıtyp, ýáde bergen. Kompanııanyń aktsıonerlerine baryp, jelini tartqan kezde arnaıy alań jasalmaǵanyn, sanıtarlyq talaptar saqtalmaǵanyn túsindirdik. Jaýabyn estigende jaǵamyzdy ustadyq. «Dáleldep kórińder, Ondaıdy senderge kim aıtyp júr? El ne demeıdi?» degen jaýaptar aıtyp, mazaq qyldy.

Kóshpeli komıssııa quryp, turǵyndarmen jınalys ótkizýdi talap etemiz. Bolat Oraluly, sizben, medıtsına mamandarymen jáne qadaǵalaýshy organ ókilderimen birge máseleni ádiletti túrde ári jyldam qaralsyn. Ótken aptada barǵanymyzda «25 jyl tostyńdar, taǵy endi 5 jyl tosyńdar» dep shyǵaryp saldy.

Aıtylǵan máseleniń bárin rastaıtyn Densaýlyq saqtaý mınıstriniń saraptamasyn kórsete alamyn. 10 jasar balamnyń betinde bıyl isik paıda boldy. Onkologtyń esebinde turmyz. Endi ony shetelge otaǵa aparý kerek. Kompanııany sotqa beretinimiz anyq», - dedi Gúlden Ádilbekqyzy.

Aqmola óńirlik elektrjeli kompanııasynyń bas ınjeneri Vıacheslav Ýtıabaevtyń aıtýynsha, bul aýmaqta tehnıkalyq talaptar saqtalmaǵanymen sanıtarlyq talaptar buzylmaǵan.

«Ol jeli toqsanynshy jyldardyń ortasynda tartylǵan. Jer telimi tıisti tártipppen berilgen, jobalyq sheshim ázirlenip, oryndalǵan. Qazirgi tańda ákimdikpen birge birneshe jolyn qarastyryp jatyrmyz. Sońǵy nusqa boıynsha qosalqy jeli men qosalqy stansa salynyp jatyr. ıAǵnı, bul ýchaskedegi jeli qoldanystan shyǵarylady. Munda tehnıkalyq talaptar saqtalmaǵanymen, sanıtarlyq talaptar buzylǵan joq. Órkenıetti jolmen sheshkilerińiz kelse, sotqa berińizder», - dedi ol.

Biraq onyń bul sózin Nur-Sultan qalasy ákiminiń orynbasary Ermek Qızatov teriske shyǵardy.

«Aqmola óńirlik elektrjeli kompanııasynyń bas ınjenerine bulaı sóıleý jaraspaıdy. Baryp óz kózimizben kórgenbiz. Sanıtarlyq qaýipsizdik saqtalmaǵany shyn. Shara qoldaný kerek. Qalada joǵary kerneýli jelige jaqyn ornalasqan 3 nysan bar. Jalpy qalada 110 myń volttik jeliniń mańaıyna salynǵan 117 qurylys bar. Bárin túgendep, tekserip shyqtyq. Kúltegin, Lermontov, Jıenqulova kósheleri shynymen de jelige tym jaqyn ornalasqan», - degen ákimdik ókili jelini turǵyn aýmaqtan tysqary shyǵaryp tartýdy oılastyryp jatqandaryn jetkizdi.

Máseleniń sózbuıdaǵa salynyp bara jatqanyn ańǵarǵan turǵyndar mınıstr Bolat Aqsholaqovtan erteń atalǵan aýmaqqa tikeleı baryp, jaǵdaıdy óz kózimen kórýin surady.

Vedomstvo basshysy turǵyndardyń bul talabyn maquldap, erteń, 21 mamyr kúni saǵat 13.00-de elektr energetıkasyna jaýapty mamandarmen birge turǵyndarmen jolyǵýǵa ýáde berdi.

Atalǵan sharada, Bolat Aqsholaqov BAQ ókilderine eldiń soltústigi men shyǵysyndaǵy óńirlerin gazdandyrý múmkindikteri týraly málimet berdi.


Joǵary qaraı