Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

29 qarasha. Týǵan kún ıeleri

2020 jyldyń 29 qarasha 2020 08:08

NUR-SULTAN. QazAqparat - Búgin, ıaǵnı 29 qarasha kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




63 jyl buryn (1957) QR Parlamenti Senatynyń depýtaty, Ekonomıkalyq saıasat, ınnovatsııalyq damý jáne kásipkerlik komıtetiniń múshesi Muratbaı Smataıuly JOLDASBAEV dúnıege keldi.

Jambyl oblysy Qyzyljar aýdanynyń Qyzyl Oktıabr aýylynda týǵan. V.P. Gorıachkın atyndaǵy Máskeý aýyl sharýashylyǵy óndirisiniń ınjenerleri ınstıtýtynyń «Aýyl sharýashylyǵyn mehanıkalandyrý» fakýltetin bitirgen (1981), ınjener-mehanık. 1975 jyldan - Jambyl oblysy Qyzyljar aýdany «Qyzyl oktıabr» ujymsharynyń jumysshysy. 1981 jyldan - Jambyl oblysy Qyzyljar aýdany «Jańa Turmys» keńsharynyń baqylaýshy mehanıgi; 1982 jyldan - bas ınjeneri. 1992 – 2007 jyldary - «Sarybulaq» keńsharynyń dırektory, «Sarybulaq» AAQ prezıdenti, Jambyl oblysy Qordaı aýdany «Sarybulaq» JShS prezıdenti. 2003 jyldan - «KAZEXIM group» JShS dırektorynyń orynbasary, «Maıs Agro» JShS dırektory. 2006 jyldan - «Maıs Agro» JShS dırektorynyń agrarlyq saıasat jónindegi, óndiris jónindegi orynbasary, bas dırektorynyń birinshi orynbasary. 2007 jyldan - Jambyl oblysy Qordaı aýdanynyń ákimi. 2009-2014 jyldary - Jambyl oblysy ákiminiń orynbasary. Qazirgi qyzmetinde 2014 jylǵy qazan aıynan beri. «Qurmet» ordenimen (1999), «Astana» medalimen marapattalǵan.




49 jyl buryn (1971) QR Saýda jáne ıntegratsııa mınıstri Baqyt Turlyhanuly SULTANOV dúnıege keldi.

Almaty qalasynda týǵan. 1994 jyly Qazaq ulttyq tehnıkalyq ýnıversıtetin «Robototehnıkalyq keshender jáne júıeler» mamandyǵy boıynsha úzdik bitirdi. 1995 jyly Qazaq memlekettik basqarý akademııasyn «Bıznes jáne menedjment» mamandyǵy boıynsha bitirdi. 1994 jyly Qazaqstan Respýblıkasy Qarjy mınıstrligi Qarjy naryǵynyń baǵaly qaǵazdar basqarmasynyń aktsıonerleý jáne lıtsenzııalaý bólimine jetekshi maman bolyp jumysqa turdy. Qarjy mınıstrliginde bólim bastyǵy (1995), basqarma bastyǵynyń orynbasary (1996), Bıýdjet departamenti dırektorynyń orynbasary (1997), Memlekettik satyp alý jónindegi departament dırektory (1998), Qazynashylyq departamenti dırektorynyń orynbasary (1999), Bıýdjet departamenti dırektorynyń orynbasary (2001), Memlekettik bıýdjet departamentiniń dırektory (2002) qyzmetin atqardy. 2002 - 2003 jyldary Qazaqstan Respýblıkasy ekonomıka jáne bıýdjettik josparlaý mınıstrligi bıýdjettik saıasat jáne josparlaý departamentiniń dırektory. 2003 - 2006 jyldary - ekonomıka jáne bıýdjettik josparlaý mınıstrliginiń vıtse-mınıstri. 2006 - 2007 jyldary - QR Statıstıka agenttiginiń tóraǵasy. 2007 jylǵy qańtar-tamyz - QR Qarjy vıtse-mınıstri. 2007 jylǵy tamyzdan bastap - QR ekonomıka jáne bıýdjettik josparlaý mınıstri. 2010 jylǵy naýryzdan bastap - QR Prezıdentiniń kómekshisi. 2012 jylǵy qańtardan bastap - QR Prezıdenti Ákimshiligi Basshysynyń orynbasary. 2013-2014 jyldary - QR Premer-Mınıstriniń orynbasary - Qarjy mınıstri. 2014-2018 jyldary - Qazaqstan Respýblıkasynyń Qarjy mınıstri. 2018-2019 jyldary – Astana qalasynyń ákimi. Qazirgi qyzmetinde – 2019 jyldyń maýsymynan. «Qurmet» ordenimen, medaldarmen marapattalǵan.


Basty sózder: Kúntizbe,
Joǵary qaraı