Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

29 qańtarda Qazaqstanda aýa raıy qandaı bolady

2022 jyldyń 28 qańtar 2022 19:39

NUR-SULTAN. QazAqparat - 2022 jyldyń 29 qańtaryna Qazaqstan aýmaǵyndaǵy sınoptıkalyq jaǵdaı men mańyzdy aýa raıy qubylysynyń boljamy jarııalandy, dep habarlaıdy QazAqparat «Qazgıdromet» RMK saıtyna silteme jasap.

«Atmosferanyń frontaldy bólikteri aýa raıynyń turaqsyz sıpatyn anyqtaıdy, osyǵan baılanysty Qazaqstan Respýblıkasynyń basym bóliginde jaýyn-shashyn bolady, túnde jáne tańerteń respýblıkanyń ońtústigindegi taýly jáne taý bókterindegi aımaqtarda qatty jaýyn-shashyn (jańbyr, qar) jaýyp, jel kúsheıedi, boran, kóktaıǵaq kútiledi. Al respýblıkanyń soltústigi men shyǵysynda antıtsıklon ekpini áserinen jaýyn-shashynsyz aýa raıy saqtalady. Respýblıkanyń keı jerlerinde tuman kútiledi», - delingen «Qazgıdromet» RMK habarlamasynda.

Túrkistan oblysynyń ońtústik jáne taýly aımaqtarynda tuman, kúndiz kóktaıǵaq, oblystyń batysynda, ońtústiginde jáne taý bókterindegi aýdandarda jeldiń kúsheıýi 17-22, taýly aýdandarda jáne oblystyń soltústiginde 25 m/s, taýly asýlarda ekpini 30 m/s jel kútiledi.

Jambyl oblysynyń ońtústik-batysynda, soltústik-shyǵysynda, taýly aýdandarda kóktaıǵaq, oblystyń soltústiginde, taýly jáne taý bókterinde tuman kútiledi, oblystyń ońtústik - batysynda, soltústik-shyǵysynda jáne taýly aýdandarda jel 15-20 m/s kúsheıedi.

Qyzylorda oblysynda soltústikte tuman túsedi, ortalyqta jáne shyǵysta jel 15-20 m/s kúsheıedi, kóktaıǵaq, burqasyn bolady.

Mańǵystaý jáne Atyraý oblystarynyń shyǵysynda, Qostanaı oblysynyń soltústiginde, Batys Qazaqstan oblysynyń soltústik-batysynda, Soltústik Qazaqstan oblysynyń batysynda, Shyǵys Qazaqstan oblysynyń soltústiginde jáne ońtústiginde túnde jáne tańerteń tuman kútiledi.

Ońtústikte, Qaraǵandy oblysynyń ortalyǵynda baıaý burqasyn, kóktaıǵaq, jeldiń 15-20 m/s kúsheıýi kútiledi. Almaty oblysynda Alakól mańynda jel 17-22 m/s kúsheıedi, kúndiz batysta, soltústikte jáne taýly aýdandarda tuman, kóktaıǵaq kútiledi.


Basty sózder: Aýa raıy, Ekologııa, Qazgıdromet,
Joǵary qaraı