Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

29 qańtar. Týǵan kún ıeleri

2022 jyldyń 29 qańtar 2022 08:08

NUR-SULTAN. QazAqparat - Búgin, ıaǵnı 29 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




92 jyl buryn (1930-1992)qoǵam jáne memleket qaıratkeri, ǵalym, ekonomıka ǵylymdarynyń kandıdaty, Qazaqstannyń eńbek sińirgen ekonomısi Sanjar Orazuly JANDOSOV dúnıege kelgen.

Almaty qalasynda týǵan. Ózbekstandaǵy Qoqan munaı tehnıkýmyn, Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti), SOKP OK janyndaǵy Qoǵamdyq Ǵylym Akademııasyn bitirgen. Atyraý oblysyndaǵy Qosshaǵyl, Qulsary munaı óndirý kásipshilikterinde, Qazaq KSR josparlaý komıtetiniń ekonomısi, Almaty qalalyq partııa komıtetiniń nusqaýshysy, Almaty oblystyq partııa komıtetiniń nasıhattaý bóliminiń meńgerýshisi, Memlekettik tele-radıohabarlary komıteti tóraǵasynyń orynbasary, Qazaqstan KP OK nasıhat bólimi meńgerýshisiniń orynbasary, meńgerýshisi, Almaty qalalyq partııa komıtetiniń hatshysy, Qazaq KSR Memlekettik josparlaý komıteti janyndaǵy Ekonomıka ǵylymı-zertteý ınstıtýtynyń dırektory, Qazaqstan KP OK-niń ǵylym men oqý oryndary bóliminiń meńgerýshisi, Kásibı-tehnıkalyq bilim berý memlekettik komıtetiniń tóraǵasy, Shymkent oblystyq atqarý komıtetiniń tóraǵasy, Eńbek jóne áleýmettik máseleler jónindegi memlekettik komıteti tóraǵasy qyzmetterin atqarǵan. Qazaq KSR-i Joǵarǵy Keńesi 3-shaqyrylym depýtaty. Qazaqstan kásipkerleri kongresiniń tuńǵysh prezıdenti. Qazaqstannyń demokratııalyq jańarýyna, respýblıka ekonomıkasynyń naryq qatynasyna aýysýyna jáne elimizde jeke kásipkerliktiń damýyna zor úlesin qosty. «Prıntsıpy optımızatsıı regıonalnogo planırovanııa», «Sıstemnyı analız v regıonalnom planırovanıı», «Optımızatsııa otraslevyh ı regıonalnyh kompleksov Kazahstana» (birlesken avtorlyqta), «Ekonomıcheskıe problemy razmeenııa selskogo hozıaıstva v Kazahstane» (birlesken avtorlyqta) atty kitaptardyń avtory. Eńbek Qyzyl Tý, «Qurmet Belgisi» ordenderimen marapattalǵan.




46 jyl buryn (1976) QR Parlament Májilisi VII shaqyrylymynyń depýtaty, QR Parlament Májilisiniń Agrarlyq máseleler jónindegi komıtet múshesi Berik Serikuly OSPANOV dúnıege keldi.

Almaty oblysynda týǵan, 1997 jyly Qazaq memlekettik agrarlyq ýnıversıtetin «Agroónerkásip kesheni salalaryndaǵy basqarý jáne ekonomıka» mamandyǵy boıynsha bitirgen. 2006 jyly Ortalyq Azııa ýnıversıtetin «Quqyqtaný» mamandyǵy boıynsha aıaqtaǵan. Ekonomıka ǵylymdarynyń doktory. Eńbek jolyn 1997 jyly Myńbaev atyndaǵy tájirıbelik-óndiristik sharýashylyqtyń qoı sharýashylyǵy ǵylymı-zertteý tehnologııalyq ınstıtýtynda ekonomıst bolyp bastaǵan. 2001-2002 jyldary - Ekonomıka jáne agroónerkásip keshenin uıymdastyrý (EAÓK) jáne aýyldyq aýmaqtardy damytý (AAD) ǵylymı-zertteý ınstıtýtynda (ǴZI) aǵa ǵylymı qyzmetker. 2002-2003 jyldary - Qazaqstan Respýblıkasy Aýyl sharýashylyǵy mınıstrliginiń bólim bastyǵy. 2003-2004 jyldary - EAÓK jáne AAD ǴZI dırektorynyń ǵylym jónindegi orynbasary. 2004-2009 jyldary - Qazaqstan Respýblıkasynyń Aýyl sharýashylyǵy mınıstrligi AÓK damytý strategııasy departamentiniń dırektory. 2009 jyly - Qazaqstan Respýblıkasy Aýyl sharýashylyǵy mınıstrliginiń «QazAgroInnovatsııa» AQ prezıdenti. 2009-2015 jyldary - Ońtústik Qazaqstan oblysy ákiminiń birinshi orynbasary. 2015-2016 jyldary – «Nur Otan» partııasynyń Ońtústik Qazaqstan oblystyq fılıaly tóraǵasynyń birinshi orynbasary. 2016 jylǵy 24 naýryzdan bastap - altynshy saılanǵan Qazaqstan Respýblıkasy Parlamenti Májilisiniń depýtaty, «Nur Otan» partııasynyń partııalyq tizimi boıynsha saılanǵan, Qarjy jáne bıýdjet komıtetiniń múshesi. Infraqurylymdy damytýdyń 2015-2019 jyldarǵa arnalǵan «Nurly jol» memlekettik baǵdarlamasyn iske asyrýǵa Qazaqstan Respýblıkasynyń Ulttyq qorynan bólinetin qarajattyń jáne bıýdjettik qarajattyń maqsatty jáne tıimdi jumsalýyn baqylaý jónindegi «Nur Otan» partııasynyń fraktsııasy janyndaǵy «Turǵyn úı kommýnaldyq sharýashylyq ınfraqurylymyn, sýmen jáne jylýmen jabdyqtaý jelilerin jańǵyrtý, turǵyn úı ınfraqurylymyn nyǵaıtý» baǵyty boıynsha komıssııasynyń tóraǵasy. 2016-2021 jyldary – QR Parlament Májilisi VI shaqyrylymynyń depýtaty, QR Parlament Májilisiniń Agrarlyq máseleler jónindegi komıtet tóraǵasy Qazirgi qyzmetinde 2021 jylǵy qańtardan beri. «Qurmet» ordenimen (2012) jáne «Tyńǵa 50 jyl» (2005), «Qazaqstan Respýblıkasynyń Konstıtýtsııasyna 10 jyl» (2011), «Qazaqstan Respýblıkasynyń Konstıtýtsııasyna 20 jyl» (2015) jáne «Oblysqa sińirgen eńbegi úshin» (2014) mereıtoılyq medaldarymen marapattalǵan.




38 jyl buryn (1984) Qostanaı oblysy ákiminiń orynbasary Baqyt Amangeldiqyzy ESІMOVA dúnıege keldi.

Pavlodar oblysynda týǵan. 2006 jyly «Bolashaq» baǵdarlamasy boıynsha Sankt-Peterbýrg memlekettik ınjenerlik-ekonomıkalyq ýnıversıtetin bitirgen. Eńbek joly: «Qazaqstan jastar kongresi»ZTB menedjeri, atqarýshy dırektor apparaty basshysy (2006-2007); «Saýda saıasatyn damytý ortalyǵy» aktsıonerlik qoǵamy sarapshysy (2007-2008); Qazaqstan Respýblıkasy Memlekettik qyzmet isteri agenttiginiń strategııalyq josparlaý jáne qoǵammen baılanys basqarmasynyń basshysy (2008-2010); Aqmola oblysynyń jumyspen qamtýdy jáne áleýmettik baǵdarlamalardy úılestirý basqarmasy basshysynyń orynbasary (2010-2011); Aqmola oblysynyń jumyspen qamtýdy jáne áleýmettik baǵdarlamalardy úılestirý basqarmasy basshysy (2011-2013); Aqmola oblysy ákimi apparatynyń basshysy (2013-2015); «Astana qalasynyń Іshki saıasat basqarmasy» MM basshysy (2015-2020). Qazirgi qyzmetinde 2020 jylǵy qyrkúıekten bastap.




38 jyl buryn (1984) - «QazAqparat» Halyqaralyq aqparat agenttigi» AQ Basqarma tóraǵasy Eldos Bıgeldiuly NÁShІRÁLІ dúnıege keldi.

2005 jyly Taraz memlekettik pedogogıkalyq ýnıversıetin bitirgen. «Bolashaq» baǵdarlamasy boıynsha Messı ýnıversıtetiniń (Jańa Zelandııa) túlegi (2009). Eńbek joly: Qazaqstan Respýblıkasy Mádenıet jáne aqparat mınıstrliginiń bas sarapshysy (2010-2012); Qazaqstan Respýblıkasy Prezıdenti Ákimshiligi Іshki saıasat bóliminiń sarapshysy (2012); Qazaqstan Respýblıkasy Prezıdenti Ákimshiligi Baspasóz qyzmetiniń ınspektory (2012-2016). Qazaqstan Respýblıkasy Aqparat jáne kommýnıkatsııalar mınıstrligi Buqaralyq aqparat quraldary salasyndaǵy memlekettik saıasat departamentiniń dırektory (2016-2018). «Habar» Agenttigi» AQ basqarýshy dırektory (2019-2021); «QazAqparat» halyqaralyq aqparat agenttigi» AQ basqarma tóraǵasynyń orynbasary (06.2021-10.2021).

2021 jyldyń qazan aıynan bastap qazirgi qyzmetinde.


Basty sózder: Kúntizbe,
Joǵary qaraı