Aýa raıy
Astana -12 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

27 jastaǵy Jańaózen turǵyny tapsyryspen tort pisirip, tabys taýyp júr

2020 jyldyń 28 qarasha 2020 12:00

AQTAÝ. QazAqparat - Jańaózende tort pisirip, búginde belgili bıznesmenge aınalǵan er adam turady. 27 jastaǵy Sábıt ózgeshe retseptimen birneshe torttyń túrin oılap shyǵarǵan, dep habarlaıdy QazAqparat.

Jańaózen qalasynyń turǵyny Sábıt Kabykeev 21 jasynan bastap tátti torttar daıyndaıdy.

Osy kásipti qolǵa alýǵa onyń táttilerdi bala kezinen jaqsy kórýi sebep bolǵan. Búginde ol ártúrli torttardyń quramyn ázirlep, ózi ataý beredi.




«Tort pisirip júrgenime 6 jyldaı boldy. Qytaıdaǵy oqýymdy tastap elge oralyp, 1 jyldaı júrip, bıznesimdi bastadym. Tapsyrystardy ázirshe úıde qabyldaımyn. Búginde menen sabaq alǵan shákirtterim de bar. Aldaǵy ýaqytta óz kondıterlik dúkenimdi ashýdy josparlap otyrmyn. Maqsatym - Jańaózen, Aqtaý qalalarynda kondıterlik stýdııa ashyp, kásibimdi keńeıtý. Ósip kele jatqan jastardy jumysqa tartyp, eńbekke baýlyǵym keledi. Qazir ózgeshe retseptimen 3 tort oılap shyǵardym»,- deıdi Sábıt Kabykeev.




Kondıterdiń aıtýynsha, bir tortty ártúrli jaǵynan jasap kórip, erekshe torttyń retseptin oılap tapqan.

Ony daıyndap, quramyn anyqtaý úshin 2 aıǵa jýyq ýaqyt ketken.

Búginde ol táttilerine «Aı tátti», «Úsh sulý» jáne «Aqqý» degen at qoıǵan.

27 jastaǵy kásipker azamat bolashaqta jumyssyz júrgen jastarǵa tegin bilim berip, óziniń kondıterlik dúkenine jumysqa alýdy maqsat tutady.











Joǵary qaraı