Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

25 shildeden bastap EAEO elderinen Reseıge ushatyn qazaqstandyqtar jańa qosymshany júkteýge tıis

2021 jyldyń 23 shilde 2021 00:18

NUR-SULTAN. QazAqparat - Qazaqstandyqtarǵa 25 shildeden bastap EAEO elderinen Reseıge ushyp barý úshin «Pýteshestvýıý bez COVID-19» qosymshasy qajet. Bul jaıynda Reseıdegi Qazaqstan elshiligi málim etti, dep habarlaıdy QazAqparat.

Buǵan deıin habarlaǵanymyzdaı, Qazaqstan azamattary Reseıge áýe reısterimen ushyp kelý úshin «Pýteshestvýıý bez COVID-19» mobıldi qosymshasy arqyly koronavırýsqa PTR-testiniń teris nátıjesi bar ekenin rastaýy qajet.

Reseı Federatsııasy Úkimetiniń 20.07.2021 jylǵy №1998-r buıryǵyna sáıkes PTR test Reseıge kelgenge deıin úsh kúnnen erte jasalmaýy kerek.

Jańa erejeler 25 shildeden bastap EAEO-ǵa múshe elderden (Armenııa, Belarýssııa, Qazaqstan, Qyrǵyzstan) áýe reısterimen ushyp kelý úshin qoldanylady.

1 qyrkúıekten bastap «Pýteshestvýıý bez COVID-19» qosymshasyn Ázerbaıjan, Moldova, Tájikstan, Túrikmenstan jáne Ózbekstannan ushyp kelgen jolaýshylar da júkteýge mindetti bolady.

Reseı tikeleı reısterdi qalpyna keltirgen úshinshi elderden ushyp keletin Qazaqstan azamattary burynǵydaı RF shekarasynan ótkenge deıin úsh kún ishinde jasalǵan PTR testin usynýy kerek.

Aıta keteıik, Qazaqstan azamattarynyń Reseı Federatsııasyna qurlyq arqyly kirýi burynǵydaı shekteýli jáne tek jekelegen sanattarǵa ruqsat etilgen.


Joǵary qaraı