Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

24 qyrkúıek el aýmaǵynda aýa raıy qandaı bolady

2021 jyldyń 24 qyrkúıek 2021 01:56

NUR-SULTAN. QazAqparat - Sınoptıkter 24 qyrkúıekke arnalǵan aýa raıy boljamyn usyndy, dep habarlaıdy QazAqparat «Qazgıdromet» RMK

Qazaqstannyń batysynda, ortalyǵynda jáne shyǵysynda fronttardyń yqpalymen turaqsyz aýa raıy saqtalady. Osyǵan baılanysty jańbyr jaýady.

Eldiń ortalyǵynda jáne shyǵysynda azdaǵan jaýyn-shashyn jaýady. Respýblıkanyń qalǵan aýmaǵynda jańbyr jaýmaıdy, kún ashyq bolady.

Eldiń batysynda, ońtústiginde, ońtústik-batysynda jáne shyǵysynda jel kúsheıedi.

Ońtústikte jáne ońtústik-batysta shańdy daýyl soǵady.

Respýblıkanyń soltústiginde jáne soltústik-batysynda tuman túsedi.

Almaty oblysynyń Jalańashkól aýdanynda jel ekpini 18-23 m/s deıin kúsheıedi.

Túnde Jambyl oblysynyń soltústik-shyǵysynda jáne ońtústik-batysynda, Túrkistan oblysynyń taýly aýdandarynda jáne batysynda jel qarqyny 15-20 m/s jetedi.

Qyzylorda oblysynyń ortalyǵynda jáne batysynda, Mańǵystaý oblysynyń ortalyǵynda, soltústik-shyǵysynda jel men shańdy daýyldyń kúshi 15-20 m/s shamasynda bolady.

Túnde Atyraý oblysynyń ońtústiginde jáne ortalyǵynda, kúndiz basym bóliginde jel ekpini - 15-22 m/s.

Batys Qazaqstan oblysynyń shyǵysynda, kúndiz ońtústik-batysynda, Aqtóbe oblysynyń soltústik-batysynda, Shyǵys Qazaqstan oblysynyń soltústiginde jel jyldamdyǵy 15-20 m/s deıin kúsheıedi.

Túnde jáne tańerteń Qostanaı oblysynyń soltústik-shyǵysynda, shyǵysynda, Soltústik Qazaqstan oblysynyń soltústik-batysynda, Pavlodar oblysynda tuman kútiledi. Qaraǵandy oblysynyń ońtústiginde jáne batysynda jel qarqyny 15-20 m/s jetedi.

Túnde Almaty, Jambyl oblystarynyń soltústiginde, taýly jáne taý bókterindegi aýdandarynda topyraq betinde 1-3 gradýs úsik júredi.

Túrkistan, Qyzylorda, Almaty oblystarynyń basym bóliginde, Aqtóbe, Qaraǵandy, Shyǵys Qazaqstan oblystarynyń ońtústiginde tótenshe órt qaýpi saqtalady

Basty sózder: Qazgıdromet, Aýa raıy,
Joǵary qaraı