Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

24 qarasha. Týǵan kún ıeleri

2021 jyldyń 24 qarasha 2021 08:08

NUR-SULTAN. QazAqparat – Búgin, ıaǵnı 24 qarasha kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




126 jyl buryn (1895-1983) qazaq balalar ádebıetiniń negizin salýshylardyń biri, aqyn, jazýshy, aýdarmashy Saparǵalı Ysqaquly BEGALIN dúnıege keldi.

Shyǵys Qazaqstan oblysy Abaı aýdanynda týǵan. 1915 jyly Semeı qalasyndaǵy orys-qyrǵyz (qazaq) ýchılıesin bitirgen. 1929-1935 jyldary Degeleń oblystyq atqarý komıtetiniń tóraǵasy, Qarqaraly ýezdik atqarý komıtetiniń múshesi, bólim meńgerýshisiniń orynbasary, aýdandyq halyq sýdıasy boldy. Qazaq eginshilik halyq komıssarıatynda, Túrksib basqarmasynda jaýapty jumystar atqardy. 1935-1960 jyldary «Temirjolshy» gazetinde, Qazaq KSR Ǵylym akademııasynyń Til jáne ádebıet ınstıtýtynda, Qazaqstan Jazýshylar odaǵynda ár túrli qyzmetter atqarǵan. Alǵashqy óleńi «Qazaq bozbalalaryna» degen atpen 1914 jyly «Aıqap jýrnalynyń» №9 sanynda basyldy. Alǵashqy kitaby «Qyran kegi» 1944 jyly jaryqqa shyqty. 1948 jyly basylǵan «Kóksegenniń kórgenderi» povesi artynan orys tiline aýdarylǵan. 50-60 jyldary «Jas butaq», «Ermektiń almasy», «Baqyt», «Jetkinshekter», «Ananyń kúshi», «Mektep túlekteri» áńgimeler jınaqtary, óleńder men poemalar jınaǵy «Syrly qaınar», «Tsımlıan teńizi», «Kóterilgen tyń» shyqqan.

Jazýshy Shoqan Ýálıhanovtyń beınesin jasaýda kóp jumys istegen, nátıjesi – «Shoqannyń balalyq shaǵy», «Shoqan asýlary» povesteri, «Zamana belesteri» romany jaryq kórdi. Halyq aqyndarynyń shyǵarmalaryn suryptap jınaq etip shyǵardy, óner sańlaqtary jóninde, jyr alyby Jambyl Jabaev týraly monografııa jazdy. Kóptegen týyndylary shetel tilderine aýdarylǵan. S. Begalın A. Pýshkınniń, M. Lermontovtyń, D. Mamın-Sıbırıaktyń, N. Leskovtyń jáne taǵy basqa jazýshylardyń shyǵarmalaryn qazaq tiline tárjimalaǵan.

Halyqtar Dostyǵy, 2 ret «Qurmet belgisi» ordenderimen jáne medaldarmen marapattalǵan.




60 jyl buryn (1961) Qazaq estrada teatrynyń bas dırektory, «Baýyrjan-shoý» teatrynyń kórkemdik jetekshisi, Qazaqstanda «Satıra jáne ázil» birinshi estradalyq teatrynyń negizin qalaýshy Baýyrjan Sabzalyuly IBRAGIMOV dúnıege keldi.

Ońtústik Qazaqstan oblysynda týǵan. Almatydaǵy Sáýlet-qurylys ınstıtýtyn (ınjener-qurylysshy), Júrgenov atyndaǵy Almaty memlekettik teatr-kórkemsýret ınstıtýtyn (drama jáne kıno akteri) támamdaǵan.

Eńbek joly: «Tamasha» teleteatrynyń akteri ári kommertsııalyq dırektory (1988-1992), Almaty qalasyndaǵy Temirjolshylar saraıynyń bas dırektory (1992-1998), Almaty qalasyndaǵy «Tselınnyı» kınoteatrynyń bas dırektory (1998-2002), «Aqbýra» óndiristik kooperatıviniń dırektory (2002-2007), «Fýd-Star» ÁKB basqarma tóraǵasy (2007-2012); Qazaq ulttyq óner ýnıversıtetiniń professory (2012-2016), «BNB-Group» qurylys kompanııasy dırektorlar keńesiniń tóraǵasy (2016 jyldan bastap).

Qazaqstan Jastar odaǵy syılyǵynyń laýreaty, halyqaralyq estrada ártisteri baıqaýynyń laýreaty.




54 jyl buryn (1967) Pavlodar oblysy ákiminiń birinshi orynbasary Oleg Pavlovıch KRÝK dúnıege keldi.

Pavlodar qalasynda týǵan. 1992 jyly Pavlodar ındýstrıaldyq ınstıtýtyn ónerkásiptik jylý energetıkasy mamandyǵy boıynsha támamdaǵan.

Eńbek joly: Eńbek jolyn Pavlodar úshinshi Jylý elektr ortalyǵynda (JEO) monter bolyp bastady. Uzaq jyldar boıy Pavlodar qalasynyń tirshilikti qamtamasyz etý kásiporyndarynda jumys istedi. 2007 jyly Pavlodar oblysynyń energetıka jáne kommýnaldyq sharýashylyq departamentin basqarǵan. 2008 jyldan 2012 jylǵa deıin Pavlodar qalasy ákiminiń orynbasary qyzmetin atqardy. Osy laýazymda turǵyn úı – kommýnaldyq sharýashylyq, energetıka, qurylys jáne kóliktik ınfraqurylym máselelerine jetekshilik etti. Keıingi jyldary «Kazenergokabel» aktsıonerlik qoǵamynyń bas dırektory bolyp jumys istedi. Sońǵy jumys orny – Pavlodar oblysy Kásipkerler palatasynyń dırektory.

2021 jyldyń sáýirinen bastap qazirgi qyzmetinde. «Eren eńbegi úshin», «Belsendi qyzmet úshin» medaldarymen marapattalǵan.




51 jyl buryn (1970) Mańǵystaý oblysy Jańaózen qalasynyń ákimi Maqsat Ońǵarbaıuly IBAǴAROV dúnıege keldi.

Túrikmenstan Respýblıkasynyń Tashaýyz oblysynda týǵan. 1992 jyly Jańaózen munaı men gaz kolledjin munaı men gaz uńǵymalaryn eksplýatatsııalaý mehanıgi mamandyǵy boıynsha, 1999 jyly Sh. Esenov atyndaǵy Aqtaý ýnıversıtetin munaı men gaz kenoryndaryn ıgerý ınjeneri mamandyǵy boıynsha bitirgen.

Eńbek jolyn 1992 jyly «Ózenmunaıgaz» óndiristik birlestiginde skvajınalardy jerasty jóndeý operatory qyzmetinen bastap, osy salada birqatar jyldar qyzmet etti. 2000 jyldan bastap – «Ózenmunaıgaz» AQ qarasty tájirıbeli-eksperımentaldyq óndiristik basqarmanyń bas ınjeneri. 2001 jyldan – №2 munaı-gaz óndirý basqarmasy bastyǵynyń orynbasary, burǵylaý, skvajınalardy jóndeý bóliminiń jetekshi ınjeneri. 2002-2008 jyldary №1, №3 munaı-gaz óndirý basqarmasynyń bas ınjeneri, №2, №4 munaı-gaz óndirý basqarmalarynyń bastyǵy qyzmetterin atqaryp keldi. 2008 jyly – «Ózenmunaıgaz» ÓF personaldy basqarý jáne damytý bóliminiń bastyǵy. 2009-2010 jyldary «Ózenmunaıgaz» ÓF jumysshylarynyń kásipodaǵy» QB tóraǵasy bolyp saılanyp, qoǵamdyq jumystarmen belsendi aınalysty. 2010-2013 jyldary – №2 munaı-gaz óndirý basqarmasynyń bastyǵy. 2013 jyldan «ÓzenMunaıGaz» AQ bas dırektory bolyp qyzmet etip keledi.

Qazirgi qyzmetinde 2019 jyldyń qyrkúıeginen bastap.




51 jyl buryn (1970) Qazaqstan Respýblıkasy Qarýly Kúshteri joǵary qolbasshylyǵynyń ókili, general-maıor Dáýlet Rysqulbekuly OSPANOV dúnıege keldi.

Ońtústik Qazaqstan oblysynda týǵan. Rıazan joǵary áskerı komandalyq baılanys ýchılıesin (1992), QR QK Áskerı akademııasyn bitirgen (2000).

Rıazan JÁKBÝ tyńdaýshysy (1988-1992), Jeke gvardııalyq desanttyq-shabýyl brıgadasy baılanys rotasy baılanys vzvodynyń komandıri, desanttyq-shabýyl batalony vzvod komandıri – baılanys bastyǵy, shtabtyq rota komandıri, batalon komandıriniń orynbasary – shtab bastyǵy, batalon komandıri, jeke desanttyq-shabýyl batalonynyń komandıri (1992-1998), QR QK Áskerı akademııasynyń tyńdaýshysy, Jeke gvardııalyq desanttyq-shabýyl brıgadasy tyl boıynsha bastyǵynyn (tyl uıymdastyrý-josparlaý jumysy boıynsha) orynbasary, brıgada komandıriniń tyl boıynsha orynbasary – jeke gvardııalyq desanttyq-shabýyl brıgadasy tyl bastyǵy, Jeke desanttyq-shabýyl brıgadasy komandıriniń orynbasary – shtab bastyǵy, brıgada komandıri (1998-2008), QR QK Aeroutqyr áskerleri qolbasshysynyń orynbasary, qolbasshynyń áskerı daıyndyq jónindegi orynbasary – qolbasshy basqarmasynyń jaýyngerlik daıyndyq Basqarmasynyń bastyǵy (2008-2010), 2010 jyly sáýirinen QR QK Aeroutqyr áskerleri qolbasshysynyń birinshi orynbasary, QR Qarýshy Kúshteriniń Qurlyq áskerleri Aeroutqyr áskerleriniń qolbasshysy qyzmetterin atqardy. 2015 jyldan – «Batys» óńirlik qolbasshylyǵy áskerleriniń qolbasshysy.

2-dárejeli «Aıbyn» ordenimen (2010), medaldarmen marapattalǵan.


Basty sózder: Kúntizbe,
Joǵary qaraı