Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

23 mamyrda Bolashaq stıpendııasyna qujat qabyldaý bastalady

2022 jyldyń 17 mamyr 2022 11:40

NUR-SULTAN. QazAqparat – Qazaqstanda 23 mamyrda «Bolashaq» halyqaralyq baǵdarlamasy boıynsha jetekshi sheteldik joǵary oqý oryndaryna magıstratýra, doktorantýra jáne rezıdentýraǵa túsý úshin qujattardy qabyldaý bastalady.

Ótinishter 2022 jylǵy 14 qazanǵa deıin Egov.kz memlekettik qyzmetter portaly arqyly qabyldanady, dep habarlaıdy QazAqparat QR Bilim jáne ǵylym mınıstrliginiń baspasóz qyzmetine silteme jasap.

Bıyl taǵylymdamadan ótýge qujattardy qabyldaý 2022 jylǵy 5 qyrkúıekte bastalyp, 14 qazanǵa deıin jalǵasady.

Konkýrstyq irikteý 2022 jylǵy 30 mamyr men 30 qarasha aralyǵynda ótedi.

Osy jyly magıstratýra men rezıdentýraǵa 385, doktorantýraǵa 60 stıpendııa bólindi.

«Memleket basshysynyń tapsyrmasymen «Bolashaq» baǵdarlamasyn qaıta baǵdarlaý protsesi iske qosyldy. Injenerlik-tehnıkalyq kadrlardy daıarlaýǵa basty nazar aýdarylady. Osyǵan baılanysty «Bolashaq» baǵdarlamasy boıynsha tehnıkalyq jáne IT mamandyqtarǵa granttar sany 60 paıyzǵa deıin ulǵaıtyldy. Bul «Injenerlik júıeler men jeliler», «Avıatsııa jáne aeroǵaryshtyq tehnıka. Áýe qozǵalysyn basqarý», «Úlken derekterdi taldaý», «Jańa materıaldar tehnologııasy», «Derekter bazasyn basqarý», «Avıatsııalyq tehnıka jáne tehnologııalar», «Mashına jasaý», «Ónerkásiptik avtomattandyrý» jáne t.b.», - dedi QR BǴM Halyqaralyq baǵdarlamalar ortalyǵynyń basqarma tóraǵasy Ánýar Janǵozın.

Jalpy bıyl «Bolashaq» baǵdarlamasy boıynsha basym mamandyqtar tiziminde akademııalyq oqýǵa 92, taǵylymdamadan ótýge 158 mamandyq qarastyrylǵan. Eńbek naryǵynyń úrdisterin taldaý negizinde osy jyly tizilimge ınnovatsııalar, jańa tehnologııalar, medıtsına jáne ónerkásiptik ınjenerııa, jaratylystaný ǵylymdary salasyndaǵy 40 jańa mamandyq engizildi. Sonymen qatar olardyń 17-si ataýlaryn keńeıtý arqyly burynnan bar mamandyqtarǵa endi. Jalpy, basym mamandyqtar tizimi tehnıkalyq mamandyqtarmen 30%-ǵa keńeıtildi.

«Bolashaq» halyqaralyq stıpendııasyna konkýrstyq irikteý 3 kezeńnen turady: keshendi testileý, Táýelsiz sarapshylyq komıssııa múshelerimen jeke áńgimelesý jáne Shetelde kadrlar daıarlaý jónindegi respýblıkalyq komıssııa otyrysynda qujattardy qaraý.

Basym mamandyqtar tizimi:

https://bolashak.gov.kz/ru/pretendentu/specialnosti

Usynylatyn ýnıversıtetter tizimi:

https://bolashak.gov.kz/ru/pretendentu/vuzy

Qajetti qujattar tizimi:

https://bolashak.gov.kz/ru/pretendentu/kak-podat-dokumenty


Joǵary qaraı