Aýa raıy
Astana -2 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

23 qyrkúıek. Týǵan kún ıeleri

2020 jyldyń 23 qyrkúıek 2020 08:15

NUR-SULTAN. QazAqparat - Búgin, ıaǵnı 23 qyrkúıek kúni, tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




59 jyl buryn (1961) L.N.Gýmılev atyndaǵy Eýrazııa ulttyq ýnıversıtetiniń «Rýhanı jańǵyrý» ınstıtýtynyń dırektory Erlan Muhtaruly ARYN dúnıege keldi.

1983 jyly S.M. Kırov atyndaǵy Qazaq memlekettik ýnıversıtetiniń fılosofııalyq-ekonomıka fakýltetin «ınjener-ekonomıst» mamandyǵy boıynsha támamdaǵan. Ekonomıka ǵylymynyń doktory, professor, QR Ulttyq ınjenerlik akademııasyn akademıgi.

Eńbek jolyn Almaty qalasyndaǵy Abaı atyndaǵy Qazaq pedagogıkalyq ınstıtýtynda stajer - zertteýshi qyzmetinen bastady. 1985-1992 jyldary - Qazaq KSRO Ǵylym akademııasynyń Ekonomıka ınstıtýtynyń aspıranty, ǵylym qyzmetkeri, ǵylymı hatshysy, doktoranty. 1992-1997 jyldary - Qazaqstan Respýblıkasy Prezıdentiniń janyndaǵy Qazaqstandyq menedjment, ekonomıka jáne boljaý ınstıtýtynyń Ctrategııalyq zertteý ortalyǵy dırektorynyń orynbasary, Qazaqstan Respýblıkasy Prezıdentiniń janyndaǵy Ctrategııalyq zertteý ortalyǵy dırektorynyń birinshi orynbasary. 1994 jyly ekonomıka ǵylymynyń doktory ǵylymı dárejesin alý úshin «Ulttyq ekonomıkanyń eksporttyq baǵdary (Qazaqstan Respýblıkasy materıaldary boıynsha)» taqyrybynda dıssertatsııa qorǵady. 1997-1999 jyldary - Qazaqstan Respýblıkasy Bilim, mádenıet jáne densaýlyq saqtaýdyń vıtse-mınıstri, 1999 jylǵy naýryzdan 1999 jylǵy qarashaǵa deıin - Qazaqstan Respýblıkasy Densaýlyq saqtaý, bilim jáne sporttyń birinshi vıtse-mınıstri, 1999 jylǵy qarashadan 2001 jylǵy aqpan aralyǵynda - Qazaqstan Respýblıkasy Bilim jáne ǵylymnyń birinshi vıtse-mınıstri. 2001 jylǵy aqpannan bastap S. Toraıǵyrov atyndaǵy Pavlodar memlekettik ýnıversıtetiniń rektory qyzmetin atqardy. 2012-2013 jyldary Pavlodar oblysynyń ákimi boldy.

Qazirgi qyzmetinde – 2018 jyldan bastap.
«Qurmet», «Parasat» ordenderiniń ıegeri, «Daryn» memlekettik syılyǵymen marapattalǵan, Pavlodar oblysy men Baıanaýyl aýdanynyń Qurmetti azamaty.
250-den asa ǵylymı eńbektiń, onyń ishinde entsıklopedııa, monografııa, sózdikter men anyqtamalyqtardyń, sheteldik baspalarda jarııalanǵan maqalalardyń avtory. Basty ǵylymı eńbekteri ótpeli qoǵamnyń saıası jáne ekonomıkalyq damý máselelerin zertteýge arnalǵan. Ǵylymı mamandandyrý ekonomıka ashyqtylyǵy teorııasyn ázirleý, ótpeli ekonomıkany jahandandyrý, makroekonomıkalyq turaqtandyrý jáne naryqtyq ekonomıkany áleýmettik beıimdeýmen baılanysty.




59 jyl buryn (1961) professor, medıtsına ǵylymdarynyń doktory, QR «Daryn» memlekettik syılyǵynyń laýreaty, hırýrg Nurlan Muhtaruly ARYN dúnıege keldi.

Almaty qalasynda dúnıege kelgen. Almaty memlekettik medıtsına ınstıtýtyn támamdaǵan. Hırýrg, medıtsına ǵylymynyń doktory, «Daryn» memlekettik syılyǵynyń laýreaty.

1984-1990 jyldary - Almaty qalalyq emhanasynyń dárigeri. 1990-1994 jyldary - Almaty memlekettik medıtsına ýnıversıtetiniń assıstenti, dotsenti. 1994-1997 jyldary - Aleksandr Syzǵanov atyndaǵy Hırýrgııa ǵylymı-zertteý ortalyǵynyń jetekshi qyzmetkeri. 1998-2003 jyldary - osy ortalyqtyń bólim meńgerýshisi. 2003-2005 jyldary - Astana qalasyndaǵy «QazMunaıGaz» Ulttyq kompanııasy» AQ-ynyń «Meıirim» kópprofıldi medıtsınalyq ortalyǵynyń bas dárigeri. 2005 jyldan bastap «Privateclinic Almaty» kópprofıldi medıtsınalyq ortalyǵy bas dırektorynyń emdeý isi jónindegi orynbasary.

Onyń ǵylymı jumystary soqyrishektiń irińdeýi kezindegi kallıkrınkının júıesiniń patofızıologııasyna, ultabar, ishek, ót joldarynyń bitelýine baılanysty jasalatyn operatsııalardyń erekshelikterin zertteýge arnalǵan. Ol Qazaqstanda alǵash ret balalar baýyrynyń zaqymdanǵan bólshekterin alyp tastaý (rezektsııa) jáne asqazannan jasandy (plastıkalyq) óńesh jasaý operatsııalaryn júzege asyrdy. Sonymen qatar Taldyqorǵan, Túrkistan, Pavlodar, Astana, Qaskeleń, Sarqand qalalarynda, Ońtústik Qazaqstan oblysynyń Ordabasy, Pavlodar oblysynyń Baqal, Kókterek jáne Lenın eldi mekenderi turǵyndary úshin qaıyrymdylyq aktsııalaryn uıymdastyryp, balalar men eresekterge 700-den astam operatsııa jasaǵan. Ǵalymnyń 220-dan astam ǵylymı eńbegi, onyń ishinde 6 monografııasy, 11 ádistemelik usynysy jáne Qazaqstan Respýblıkasy men KSRO-nyń 35 avtorlyq ónertabys kýáligi bar. Nurlan Arynnyń basshylyǵymen medıtsına ǵylymynyń ózekti máselelerine arnalǵan 3 ǵylymı jumys jınaǵy jaryq kórgen. Balalar hırýrgııasy salasynyń 1 doktoryn, 8 kandıdatyn daıarlaǵan. Sondaı-aq respýblıkalyq jáne sheteldik konferentsııalarda, sımpozıýmdarda, sezderde baıandamalar jasaǵan.
«Qazaqstan Respýblıkasy ǵylymynyń damýyna qosqan eńbegi úshin» medalimen marapattalǵan.





44 jyl buryn (1976) QR Prezıdentiniń QR Parlamentindegi Ókildigi jetekshisiniń orynbasary Eskendir Kópbosynuly QUDAIBERGENOV dúnıege keldi.

Almaty oblysyndaǵy Qapshaǵaı qalasynda týǵan. Ál-Farabı atyndaǵy Qazaq ulttyq ýnıversıtetin bitirgen, zańger. 1997 jyldan QR Joǵarǵy sotynda qarjy-sharýashylyq bóliminiń aǵa mamany, is júrgizý jáne baqylaý bóliminiń referenti, sot alqasynyń konsýltanty, qylmystyq ister jónindegi memlekettik-quqyqtyq bóliminiń konsýltanty. 2001 jyldan - QR Prezıdenti Ákimshiliginiń memlekettik-quqyqtyq bóliminiń konsýltanty. 2003 jyldan - QR Prezıdentiniń QR Parlamentindegi ókildiginiń bas sarapshysy. 2004 jyldan - QR Joǵarǵy soty apparatynyń kadrlar jumysy basqarmasynyń bastyǵy, kadrlar jáne memlekettik qyzmet bóliminiń meńgerýshisi. 2005 jyldan - Aqtóbe oblysy mamandandyrylǵan aýdanaralyq ekonomıkalyq sotynyń tóraǵasy. 2006 jylǵy qarashadan - QR Tabıǵı monopolııalardy retteý agenttigi tóraǵasynyń orynbasary.

Qazirgi qyzmetinde 2011 jyldan beri.




43 jyl buryn (1977) - Jambyl oblysy ákiminiń orynbasary Talǵat Sharıuly MAMAEV dúnıege keldi

Jambyl oblysynda dúnıege kelgen. M.H. Dýlatı atyndaǵy Taraz memlekettik ýnıversıtetin «Halyqaralyq ekonomıkalyq qatynastar» mamandyǵy boıynsha bitirgen. Eńbek joly: «SBT» JShS býhgalteri (1999-2000); Jambyl oblysy boıynsha salyq komıtetiniń mamany, bólim bastyǵy (2000-2003); bólim bastyǵy, basqarma basshysy, Jambyl oblysy boıynsha salyq komıteti tóraǵasynyń orynbasary (2003-2006); Qazaqstan Respýblıkasy Qarjy mınıstrligi Salyq komıteti Іri salyq tóleýshilerdi basqarý jáne monıtorıng bóliminiń bastyǵy (2006-2008); Shyǵys Qazaqstan oblysy boıynsha salyq departamentiniń bastyǵy (05.2008-03.2012); Qaraǵandy ​​oblysy boıynsha salyq departamentiniń bastyǵy (07.03.2012 - 2014.); Qazaqstan Respýblıkasy Qarjy mınıstrligi Memlekettik kirister komıteti Aqtóbe oblysy boıynsha Memlekettik kirister departamentiniń bastyǵy (11.2014 - 05.2017); QR Qarjy mınıstrligi Memlekettik kirister departamenti taldaý, statıstıka jáne táýekelderdi basqarý departamentiniń dırektory (2017-05.2019). Qazirgi qyzmetinde - 2019 jyldyń mamyr aıynda Qazaqstan Respýblıkasy Qarjy mınıstrligi Memlekettik kirister komıteti tóraǵasynyń orynbasary bolyp taǵaıyndaldy.

Qazirgi qyzmetin 2020 jyldyń tamyzynan beri atqaryp keledi.




Basty sózder: Kúntizbe,
Joǵary qaraı