Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

23 qarasha. Týǵan kún ıeleri

2021 jyldyń 23 qarasha 2021 08:08

NUR-SULTAN. QazAqparat – QazAqparat 23 qarashaǵa arnalǵan «Týǵan kún ıeleri» kúntizbesin usynady.

ESІMDER




67 jyl buryn (1954-1995) belgili sportshy, taekvondodan qara belbeý jetinshi dań ıegeri, Qazaqstan Respýblıkasy taekvondo federatsııasynyń negizin qalaýshy, halyqaralyq dárejedegi jattyqtyrýshy MUSTAFA Óztúrik dúnıege keldi.

Ystanbuldaǵy orta mektepti bitirip, Taıvandaǵy eksperımentaldy ýnıversıtetti jáne sol eldegi Halyqaralyq qatynastar ýnıversıtetiniń jýrnalıstıka fakýltetin qosa bitirgen. Osy elde júrip, koreıdiń kóne sport óneri taekvondony úırendi.

Keıin Germanııanyń Keln, Mıýnhen jáne Túrkııanyń Ystanbul qalalarynda óziniń taekvondo mektebin ashqan. Qazaqstan táýelsizdik alǵannan keıin Almatyǵa kelip, taekvondo mektebin ashty.

2000 jyly Almaty qalasynda Mustafa Óztúrik atyna kóshe berilip, eskertkish belgi qoıyldy. 2004 jyly Mustafa Óztúriktiń 50 jyldyq mereıtoıy qarsańynda Almaty oblysy Talǵar aýdanynyń Besaǵash aýylynda eskertkishi ashyldy.




66 jyl buryn (1954) kınorejısser, kınodramatýrg, Kazaqstannń halyq ártisi Talǵat Dosymǵalıuly TEMENOV dúnıege keldi.

Almaty oblysynyń Eńbekshiqazaq aýdanynda týǵan. Almaty memlekettik konservatorııasynyń teatr bólimin, Máskeýdegi burynǵy KSRO Memlekettik kıno janyndaǵy joǵary rejısserler men stsenarııshiler kýrsyn bitirgen.

Taldyqorǵan oblystyq drama teatry trýppasynyń akteri, «Qazaqfılm» stýdııasynda rejısserdiń kómekshisi ári stsenarııshi, kınorejısseri, qoıýshy kınorejısseri, «Mosfılm» stýdııasynyń kınorejısseri qyzmetterin atqarǵan.

1994-2000 jyldary - Almaty memlekettik teatr jáne kıno ınstıtýtynyń (Qazaq ulttyq óner akademııasy) rektory.

2000-2004 jyldary - «Qazaqfılm» kınokompanııasynyń kórkemdik jetekshisi. 2004 jyldan Qazaqtyń memlekettik akademııalyq jastar men balalar teatrynyń dırektory.

2014 jyldan Q. Qýanyshbaev atyndaǵy qazaq akademııalyq mýzykalyq drama teatrynyń kórkemdik jetekshisi.

Alǵash qoıǵan «Adamdar arasyndaǵy bóltirik» atty tolyq metrajdy kórkem fılmi Frankfýrt qalasynda ótken 15-Halykaralyq kınofestıvaldyń Gran-prı, Italııada «Kúmis aıý» júldesine jáne Portýgalııada ótken Halyqaralyq kınofestıvaliniń arnaıy júldesine ıe boldy.

Onyń ózi jazǵan stsenarııi boıynsha qoıǵan kórkem fılmderi qatarynda «Shańyraq», «Qaıdasyń sen, Chapaı?», «Toro», «Adamdar arasyńdaǵy bóltirik», «Qyzǵysh qus», «Mahabbat beketi». «Alma baǵy», «Kógildir taksı» (S.Smataevpen birigip) pesalar jazǵan.

Tarıhı taqyrypqa qoıylǵan «Kóshpendiler» fılmine rejısser retinde qatysqan. «Qaıyrly tań» jáne «Gúlnaz», «Oı jasyn» atty povester men áńgimeler jınaǵynyń avtory.

«Qurmet» ordenimen marapattalǵan.




62 jyl buryn (1958) «Ahyska» túrik etnomádenı ortalyǵynyń prezıdenti Zııatdın Ismıhanuly QASANOV dúnıege keldi.

Almaty qalasynda týǵan. Almaty halyq sharýashylyǵy ınstıtýtyn bitirgen. 1981-1995 jyldary - QazKSR melıoratsııa jáne sý sharýashylyǵy mınıstrligi júıesinde ártúrli qyzmetter atqardy.

1992 jyldan sheteldik kapıtaldy tarta otyryp, birqatar iri kásiporyndar qurdy. Ótken kezeńde ol «Kassanov Investment Group» brendimen ártúrli salada 70-ten astam serpindi damyp otyrǵan kásiporyndardy biriktirdi.

1999 jyldan «Ahyska» túrik etnomádenı ortalyǵynyń prezıdenti.

«Qurmet» (2004) ordenimen, 2005 jyly Eýropa jaratylystaný ǵylymy akademııasynyń «Altyn qyran» ordenimen marapattaldy, oǵan Eýropalyq «Kún adamy» ýnıversıtetiniń qurmetti ataǵy berilgen.

2006 jyly Túrkııanyń «Túrki áleminde halyqaralyq baılanysty damytýǵa, nyǵaıtýǵa jáne saqtaýǵa qosqan úlesi úshin syılyǵy berildi.




59 jyl buryn (1962) Qaraǵandy oblysy ákiminiń orynbasary Vadım Borısovıch BASIN dúnıege keldi.

Semeı qalasynda týǵan. 1985 jyly Qaraǵandy polıtehnıkalyq ınstıtýtyn «Taý-ken jumystaryn elektrlendirý jáne avtomattandyrý» mamandyǵy boıynsha, 1990 jyly Tomsk avtomattandyrylǵan basqarý júıeleri jáne radıoelektronıka ınstıtýtyn «Ónerkásiptik elektronıka» mamandyǵy boıynsha bitirgen.

Eńbek joly: 1986-1995 jyldary – metallýrgııa kombınatynda elektromonter.

1995-2003 jyldary – kombınattyń aglofabrıka elektr jabdyǵy boıynsha tseh bastyǵynyń orynbasary. 2003-2011 jyldary – «ArselorMıttal Temirtaý» AQ bas energetıgi.

2011-2013 jyldary – «ArselorMıttal Temirtaý» AQ jóndeý jónindegi dırektory.

2013 jyly «ArselorMıttal Temirtaý» AQ jóndeý jónindegi atqarýshy dırektorynyń orynbasary boldy.

2017-2021 jyldary – «ArselorMıttal Temirtaý» AQ atqarýshy dırektory.

Qazirgi qyzmetinde 2021 jyldyń shilde aıynan bastap.




43 jyl buryn (1977) Qazaqstan Respýblıkasy Prezıdenti Ákimshiliginiń memlekettik ınspektory Erǵalı Qýandyquly EGEMBERDІ dúnıege keldi.

Shymkent qalasynda týǵan. Qazaq memlekettik zań akademııasyn, L.N. Gýmılev atyndaǵy Eýrazııa ulttyq ýnıversıtetin, Dıplomatııalyq akademııany bitirgen. Saıasattaný ǵylymynyń kandıdaty.

1998-2000 jyldar aralyǵynda – Astana qalasy Qarjy basqarmasynyń zańgeri. 2000-2001 jyldar aralyǵynda – Astana qalasy ákimdigi apparatynyń memlekettik-quqyqtyq bóliminiń bas mamany.

2001-2002 jyldar aralyǵynda – «Astana – jańa qala» erkin ekonomıkalyq aımaǵy Bas dırektsııasynyń monıtorıng esebi jáne quqyqtyq qamtamasyz etý bóliminiń bastyǵy, Astana qalasy ákimdiginiń Saýda basqarmasy bastyǵynyń orynbasary.

2002-2003 jyldar aralyǵynda – Qazaqstan Respýblıkasy Kólik jáne kommýnıkatsııa mınıstrligi Baılanys jáne aqparat komıtetiniń Býhgalterlik esep, uıymdastyrý jáne quqyqtyq jumys basqarmasy Zań jáne kadr jumysy bóliminiń bastyǵy.

2004 jyly – Astana qalasy Turǵyn úı departamenti bastyǵynyń orynbasary. 2004-2006 jyldar aralyǵynda – Astana qalasy Saryarqa aýdany ákiminiń orynbasary.

2006-2007 jyldar aralyǵynda – Qaraǵandy oblysy Birjolǵy talondar berý basqarmasynyń bastyǵy. 2007-2008 jyldar aralyǵynda – Qaraǵandy qalasy ákiminiń orynbasary.

2008-2009 jyldar aralyǵynda – Qaraǵandy qalasynyń Qazybek bı atyndaǵy aýdan ákimi. 2009-2010 jyldar aralyǵynda – Qaraǵandy oblysy ákimi apparatynyń basshysy.

2010-2012 jyldar aralyǵynda – Qazaqstan Respýblıkasy Premer-Mınıstri Keńsesiniń uıymdastyrý jumysy jáne aýmaqtyq damý bóliminiń bas ınspektory. 2012 jylǵy qańtardan bastap Qazaqstan Respýblıkasy Parlamenti Májilisi apparatynyń basshysy.

2012 jyldan Qazaqstan Respýblıkasy Eńbek jáne halyqty áleýmettik qorǵaý vıtse-mınıstri. 2014 jyldyń tamyz aıynan bastap Qazaqstan Respýblıkasy Densaýlyq saqtaý jáne áleýmettik damý mınıstriniń orynbasary bolǵan.

2017-2018 jyldary – Astana qalasy ekonomıka jáne bıýdjettik josparlaý basqarmasynyń basshysy. 2018-2019 jyldary – QR Prezıdent Ákimshiligi Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory.

2019 jyldyń aqpan-naýryz aılarynda – Astana qalasy «Saryarqa» aýdanynyń ákimi. 2019-2020 jyldary – Nur-Sultan qalasy «Saryarqa» aýdanynyń ákimi.

Qazirgi qyzmetinde – 2020 jyldyń qazanynan.


Basty sózder: Kúntizbe,
Joǵary qaraı