Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

23-27 qarasha aralyǵynda elimizde Azamattyq forým ótedi

2020 jyldyń 20 qarasha 2020 16:12

NUR-SULTAN. QazAqparat - 23-27 qarasha aralyǵynda Qazaqstanda «Qoǵam jáne memleket: «Birgemiz» - 30 jyldyq seriktestik pen damý» atty IX Azamattyq forým ótedi.

Bul jyly is-shara onlaın rejıminde uıymdastyryldy. Soǵan sáıkes forým baǵdarlamasynda dástúrli sóz sóıleý, trenıng, pikirtalas jáne vıdeopodkasttan bólek, mınıstrlerdiń úkimettik emes sektormen kezdesýi bolady.

Tikeleı kórsetilim kúndelikti kórsetiledi. Kórermenderdiń koomentarııde suraqtaryn qoıyp, jyldam jaýap alý múmkindikteri bar.

Forýmnyń basty maqsaty – azamattyq qoǵam ınstıtýty men memlekettik organ jáne bıznes qurylymdarmen ózara qarym-qatynasyn tıimdi etý mezanızmin qalyptastyrý. Delegattar azamattyq qoǵamdy damytýdyń jańa kontseptsııasynyń baǵytyn, azamattardyń sheshim qabyldaýǵa qatysýyn, qoǵamdyq baqylaýdyń múmkindikteri men mehanızmi, ÚEU-dyń básekege qabilettiligin jáne t.b taqyryptardy talqylaıtyn bolady.

Sonymen qatar, azamattyq qoǵam aptalyǵy aıasynda buryn ótken kezdesýlerdiń usynystaryn iske asyrý jónindegi baıandama jarııalanady.

IX Azamattyq forýmnyń qatysýshylarynyń qatarynda qoǵam qaıratkerleri, halyqaralyq uıymdardyń, memlekettik organdardyń ókilderi, sarapshylar qaýymdastyǵy –el boıynsha jalpy sany 500 astam adam qatysady. Forým baǵdarlamasy jáne delegattardy tirkeý myna saıtta júzege asyrylady – www.azamattyqforum.kz.

Іs-sharany QR Aqparat jáne qoǵamdyq damý mınıstrliginiń qoldaýymen Qazaqstannyń Azamattyq Alıansy uıymdastyryp jatqanyn eske salamyz.

Anyqtama: Alǵashqy Azamattyq forým 2003 jylǵy 14 qazanda ótti. Sol ýaqyttan beri elimizdiń úshinshi sektoryn damytýǵa úlken kóńil bólinýde.

Qazirgi tańda Qazaqstanda 22-den asa úkimettik emes uıymdar tirkelgen. 2019 jyldan beri memlekettik áleýmettik tapsyrys bıýdjetiniń kólemi shamamen 50% deıin kóbeıip 25 mlrd teńgeni qurady.

Bul qarajattyń jartysy halyqtyń áleýmettik osal toptaryn qoldaýǵa baǵyttalǵan.

BAQ úshin baılanys nómiri: Nurbol Serikbekov +7 707 888 0990


Joǵary qaraı