Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

22 qańtar. Týǵan kún ıeleri

2021 jyldyń 22 qańtar 2021 08:08

NUR-SULTAN. QazAqparat - Búgin, ıaǵnı 22 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




89 jyl buryn (1932-2013) Qazaqstannyń eńbek sińirgen qaıratkeri, kórnekti aqyn Kákimbek Salyquly SALYQOV dúnıege keldi.

Soltústik Qazaqstan oblysy Shal aqyn aýdany Eńbek aýylynda týǵan.

1955 jyly Máskeýdiń tústi metallýrgııa jáne altyn ınstıtýtyn bitirgennen keıin Jezqazǵan kenishinde ken sheberi bolyp eńbek jolyn bastaǵan. KSRO Joǵarǵy keńesiniń ekologııa jónindegi komıtetiniń basshysy laýazymyna deıin kóterildi.

Kóp jyldar Keńes odaǵy Joǵarǵy keńesiniń prezıdıým múshesi boldy. Alǵashqy óleńder jınaǵy «Syr» 1977 jyly jaryq kórdi. Sol jyly «Jezkıik» atty jyr jınaǵy orys tiline aýdarylyp jarııalandy.

1981 jyly «Qyrǵyzstan» baspasy onyń «Nurly kúnder» kitabyn qyrǵyz tilinde, 1983 jyly Ǵafýr Ǵýlam baspasy «Jezkıik» jınaǵyn ózbek tilinde shyǵardy. «Býketovke rekvıem», «Edelveıs», «Ǵasyrǵa teń bir mezet», «Che Gevara» atty poemalary orys tiline aýdaryldy. K.Salyqov - «Dala», «Qyran-dar», «Gákký», «Jezkıik», «Eńlikgúl», «Táttimbet», «Dombyra», «Qaraqalpaq», «Kenesarynyń sońǵy sózi» sekildi kóptegen poemalardyń avtory.

Sońǵy jyldary onyń «Oıtolǵaq» (2001), «Syrǵaly sonetter» (2001), «Kúzgi shýaq» (2004), «Kúzgi saryn» (2005), «Sensiń el danasy» (2006), «Álemniń segizinshi ǵalamaty» (2006), «Maǵjanǵa taǵzym» (2008) kitaptary jaryq kórdi.

V.V.Maıakovskııdiń «V.I.Lenın» poemasyn, A.S.Pýshkınniń óleńmen jazylǵan «Evgenıı Onegın» romanyn, M.ıÝ.Lermontovtyń, ıÝ. P. Polonskııdiń, R.Ǵamzatovtyń, Aldan-Semenovtyń, S.Norovchatovtyń, V.Savelevtiń, ıA.Kolastyń, M.Lvovtyń, mońǵol jáne ózbek aqyndarynyń óleńderin qazaq tiline aýdardy.

B.Jumanııazov, N.Tilendıev, Á.Beıseýov, E.Hasanǵalıev sııaqty kompozıtorlar aqynnyń kóptegen óleńderine án shyǵardy. «Jezkıik», «Saǵynysh», «Aqqý áni», «Úsh arys», «Bir aýyz sóz», «Oqjetpes», «Kókshetaý», «Jambyl ata» syndy týyndylary halyq ánine aınalyp ketti.

Qazaq KSR Joǵarǵy Keńesine úsh márte (IX, X, XI) depýtat bolyp saılanǵan. KSRO Joǵarǵy Keńesiniń depýtaty.

«Qazaqstannyń eńbek sińirgen qaıratkeri» qurmetti ataǵynyń ıegeri (2001), Halyqaralyq Q.Sátbaev qorynyń prezıdenti, Qazaqstan Respýblıkasy «Ekologııa» akademııasynyń akademıgi. Lenın ordenimen, eki ret Eńbek Qyzyl Tý ordenimen, «Parasat» jáne Halyqtar Dostyǵy ordenderimen, kóptegen medaldarmen marapattalǵan.

66 jyl buryn (1955-1998) sýretshi, monýmentalıst, sportshy, Qazaqstandaǵy tuńǵysh taekvondo federatsııasynyń prezıdenti Bekseıit Ábdezuly TÚLKIEV dúnıege keldi.

Ońtústik Qazaqstan oblysynyń týmasy. Máskeý joǵary kórkemsýret ýchılıesin bitirgen.

«Uly kósh», «Zamandastar», «Áke», «Ata-baba jeri», «Sýretshiniń túsi», «Áje», «Túsirý alańy», «Ákeni maıdanǵa shyǵaryp salý» jáne taǵy da kóptegen keskindemelik eńbekterdiń avtory. Týyndylary Búkilodaqtyq jáne halyqaralyq kórmelerge qoıyldy.

Túlkıev shyǵarmashylyqty sportpen baılanystyra bildi, taekvondodan qara belbeý ıegeri. Búginde týǵan aýylyndaǵy orta mektepke onyń esimi berilgen.




50 jyl (1971) buryn Respýblıkalyq bıýdjettiń atqarylýyn baqylaý jónindegi esep komıtetiniń múshesi Ardaq Myrzabaıuly TEŃGEBAEV dúnıege keldi.

Torǵaı oblysynda týǵan. 1993 jyly Qazaq memlekettik basqarý akademııasyn «Býhgalterlik esep jáne sharýashylyq qyzmetti taldaý» mamandyǵy boıynsha, 2002 jyly «Qaınar» ýnıversıtetin «zańger» mamandyǵy boıynsha bitirgen.

Eńbek jolyn 1993 jyly Arqalyq qalasynda «Qazagroónearkásipbank» AK-nyń Torǵaı fılıalynda maman bolyp bastady. 1994-1996 jyldary Amangeldi aýylynda «Qazagroónearkásipbank» AK-nyń Amangeldi fılıalynda ekonomıst, aǵa ekonomıst.

1996 jyldyń sáýir-qyrkúıek aılarynda Arqalyq qalasynda «Qazagroónerkásipbank» Torǵaı oblystyq fılıalynyń aǵa ınjeneri, bas ınjener-baǵdarlamashysy. 1993-1997 jyldary «Qazagroónerkásipbank» AQ Amangeldi aýdandyq fılıalynyń basqarýshysy.

1997-2003 jyldary salyq ınspektory, sektor meńgerýshisi, bas salyq ınspektory, bólim basshysy, Almaty qalasy boıynsha Salyq komıtetiniń Basqarma bastyǵy laýazymdarynda qyzmet atqardy.

2003-2004 jyldary Almaty qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamenttiń aǵa ınspektory, bólim bastyǵy, basqarma bastyǵy.

2004-2005 jyldary «Aqparattyq tehnologııalar parki» Salyq komıtetiniń bólim bastyǵy. 2005-2007 jyldary Semeı qalasynyń Salyq komıtetiniń tóraǵasy. 2007-2009 jyldary Mańǵystaý oblysy boıynsha Salyq komıtetiniń tóraǵasy, Mańǵystaý oblysy boıynsha Salyq departamentiniń bastyǵy.

2009-2010 jyldary QR Qarjy mınıstrliginiń Salyq komıtetiniń arnaıy mamandandyrylǵan basqarmasynyń bastyǵy qyzmetin atqardy. 2010-2012 jyldary QR Qarjy mınıstrligi Salyq komıteti tóraǵasynyń orynbasary boldy.

2012-2016 jyldary QR Qarjy vıtse-mınıstri laýazymynda boldy. 2016-2018 jyldary QR Qarjy mınıstrliginiń Memlekettik kirister komıtetiniń tóraǵasy qyzmetin atqardy.

Qazirgi qyzmetinde 2019 jyldyń aqpan aıynan bastap.

ІI dárejeli «Eýrazııalyq ekonomıkalyq odaqty qurýǵa qosqan úlesi úshin» (2015), ІІІ dárejeli «Óz isine adaldyǵy úshin» «Atameken» UKP (2016), «Eýrazııalyq ekonomıkalyq odaqty qurýǵa qosqan úlesi úshin» (2019) medaldarymen, QR Qarjy mınıstrliginiń «Qarjy qyzmetiniń úzdigi» (2011) tósbelgisimen marapattalǵan.




47 jyl buryn (1974) jýrnalıst, medıamenedjer Alan Ǵazızuly ÁJІBAEV dúnıege keldi.

Almaty qalasynda dúnıege kelgen. 1996 jyly Abaı atyndaǵy Almaty memlekettik ýnıversıtetin támamdaǵan.

1994 jyldyń tamyzynan 1995 jyldyń qyrkúıegi aralyǵyna - «Maks» teleradıokompanııasy, radıojúrgizýshi. 1995 jyldyń qyrkúıeginen 1997 jyldyń tamyzy aralyǵynda - «31 arna» Teleradıokompanııasy», teleradıojúrgizýshi.

1997 jyldyń qyrkúıeginen 1998 jyldyń qyrkúıegi aralyǵynda - «City» Teleradıokompanııasy» JShS baǵdarlamalyq dırektory. 1999 jyldyń aqpanynan 1999 jyldyń qyrkúıegi aralyǵynda - «Radıo Karavan» dırektory.

Keıinirek jeke kásipkerlikpen aınalysqan. 2008 jyldyń aqpanynan 2010 jyldyń qańtary aralyǵynda - «Tań» Teleradıokompanııasy» JShS bas prodıýseri.

2009 jyldyń jeltoqsanynan 2012 jyldyń mamyry aralyǵynda «Radıo «Tengrı FM» bas prodıýseri. 2012 jyldyń maýsymynan 2014 jyldyń qańtary aralyǵynda «SKYMAX MEDIA» bas dırektory.

014 jyldyń aqpanynan 2016 jyldyń tamyzy aralyǵynda «Aıqyn» jáne «Lıter» qoǵamdyq-saıası gazetteriniń dırektory.

2016 jyldyń 19 tamyzynda Qazaqstan Respýblıkasy Aqparat jáne kommýnıkatsııalar vıtse-mınıstri bolyp taǵaıyndaldy.

2018-2019 jyldary «Habar» AQ» Basqarma tóraǵasy boldy.


Basty sózder: Kúntizbe,
Joǵary qaraı