Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

21 kompanııa qurylys materıaldarynyń baǵasyn tómendetti

2021 jyldyń 22 shilde 2021 20:08

NUR-SULTAN. QazAqparat – 21 kompanııa qurylys materıaldary boıynsha monopolııaǵa qarsy organnyń habarlamalaryn oryndady, dep habarlaıdy QazAqparat.

Memleket basshysynyń qurylys materıaldary naryqtarynda sharalar qabyldaý jónindegi tapsyrmasyn oryndaý aıasynda Básekelestikti qorǵaý jáne damytý agenttiginiń aýmaqtyq bólimsheleri eldiń barlyq óńirlerindegi qurylys materıaldary naryqtarynda baǵanyń kóterilýiniń negizdiligine monopolııaǵa qarsy taldaý júrgizýdi jalǵastyrýda.

Búgingi tańda qurylys materıaldarynyń 25 naryǵy taldanýda.

Taldaýǵa qurylys materıaldaryn óndirýdi jáne kóterme jetkizýdi júzege asyratyn 1000-nan astam naryq sýbektisi qamtylǵan.

Jalpy, baǵanyń tómendetý boıynsha 57 habarlama shyǵaryldy.

Osy jyldyń 1 maýsymy men 15 shildesi aralyǵynda BQDA-nyń aýmaqtyq monopolııaǵa qarsy departamentteri qurylys materıaldaryn óndirýshiler men kóterme jetkizýshilerge qurylys materıaldarynyń 13 túri boıynsha (armatýra, kirpish, tabaq shyny, beton, betonnan jasalǵan qabyrǵa blogy, tsement, kabel, proflıst, qadalar, jabyn plıtasy, polıetılendi qubyrlar, mın.plıta, gaz bloktary) 700-ge jýyq suranys jiberdi. 16 shildeden bylaı qaraı qurylys materıaldaryn óndirýshilerge taǵy qosymsha 349 jańa suranys joldandy.

Aýmaqtyq departamentter qurylys materıaldary naryǵy sýbektilerine qatysty júrgizgen taldaýlar nátıjesinde, buzýshylyq belgilerin joıý jáne baǵany tómendetý qajettiligi týraly 57 habarlama shyǵardy:

-15 kirpish boıynsha Nur-sultan (4), Shymkent (1) qalalarynda, Aqmola (4), Túrkistan (3), Qyzylorda oblystarynda (3);

-15 tsement boıynsha Shymkent q. (2), Aqmola (4), Túrkistan (2), Aqtóbe (2), Shyǵys Qazaqstan (2), Jambyl (2), Qyzylorda oblystarynda(1);

-12 armatýra boıynsha Pavlodar (3), Shyǵys Qazaqstan (2), Atyraý (2), Soltústik Qazaqstan (2), Jambyl (1), Qostanaı (1), Batys Qazaqstan oblystarynda (1);

- 4 beton boıynsha Shyǵys Qazaqstan (2), Qyzylorda oblystarynda (2);

- 3 polıetılen qubyrlary boıynsha Aqmola (2), Batys Qazaqstan oblystarynda (1);

- 2 qıyrshyq tas boıynsha Almaty oblysynda;

- 2 shveller boıynsh Shyǵys Qazaqstan (1) jáne Almaty q. (1);

- 1 kabel boıynsha Batys Qazaqstan oblysynda;

- 1 shyny boıynsha Qaraǵandy oblysynda;

-1 betonnan jasalǵan qabyrǵa blogy boıynsha Soltústik Qazaqstan oblysynda;

- 1 parket taqtalary boıynsha Almaty q;

Búgingi kúni 21 kompanııa habarlamany oryndady, onyń ishinde mynalarǵa baǵany tómendetý arqyly:

- tsementke Aqmola oblysyndaǵy («Fırma Stroıtelnyı Dvor» JShS, «Baza VostokStroı» JShS, JK «Dvortsevaıa e. v.», JK «Egorov p. n.») 32 000-nan 27 000 teńgege deıin;

- armatýraǵa Shyǵys Qazaqstan oblysyndaǵy («Beakrıs-Metall» JShS) 460-tan 441 myń teńgege deıin jáne («Tıtan-Vostok» JShS) 438-den 350 myń teńgege deıin;

- shvellerlerge Shyǵys Qazaqstan oblysyndaǵy («PKF «Tıtan« JShS) 360-tan 350 myń teńgege deıin;

- polıetılendi qubyrlarǵa Aqmola oblysyndaǵy (»Tynys« AQ) 1 952 teńgeden 1 430 teńgege deıin (»Arystan «Stepnogorsk qubyr zaýyty» JShS) 2 081 teńgeden 1 962 teńgege deıin;

- qıyrshyq tasqa Almaty oblysyndaǵy («Kentas» JShS, «AQNM»JShS)tekshe metrine 1 650-den 1 200-ge deıin;

- kabelge Batys Qazaqstan oblysyndaǵy («OK Oral Kabel» JShS) 5-ten 14%-ǵa deıin tómendetti .

Sondaı-aq, Shymkent qalasy men Shyǵys Qazaqstan oblysynda kelisilgen is-qımyl belgileri boıynsha armatýrany jetkizýshi «Mechel-Servıs Kazahstan» JShS-ne qatysty tergeý taǵaıyndaldy.

Tsement («kompanııa Gejýba Shıeli Tsement» JShS, «Central Asia Cement» AQ, «Áýlıe-Ata tsement» JShS, «Áýlıe-ata tsement grýp» JShS), kirpish («D.D. A.» JShS, «Shalkıbaev» JK), qıyrshyq tas («Aqtas» JShS, «Keramık ınvest» JShS), beton jáne temirbeton buıymdaryn («Nur-Stroı LTD» JShS, «BatysAlıansStroı» JShS) 10 óndirýshi jáne jetkizýshilermen monopolııaǵa qarsy zańnama normalaryn saqtaý jáne baǵany tómendetý týraly komplaens jasaldy.

Monopolııaǵa qarsy komplaens aıasynda Qaraǵandy oblysy boıynsha tsement óndirýshi «Central Asia Cement» AQ osy jyldyń 20 shildesinen bastap baǵany 7% - ǵa tómendetti.


Joǵary qaraı