Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

21 qazan. Týǵan kún ıeleri

2021 jyldyń 21 qazan 2021 08:10

NUR-SULTAN. QazAqparat – QazAqparat 21 qazanǵa arnalǵan «Týǵan kún ıeleri» kúntizbesin usynady.

ESІMDER




86 jyl buryn (1935-2012) Keńes úkimeti jáne qazaqtyń iri ǵylymı qyzmetkeri, Munaı jáne gaz geologııasy ǵylymnyń kórnekti qaıratkeri, Qazaqstan Respýblıkasy Memlekettik syılyǵynyń laýreaty VOTsALEVSKII Edgard Slavomırovıch dúnıege kelgen.

Groznyı munaı ınstıtýtyn bitirgen (1959j.). Eńbek joly: Qazaq munaı geologııalyq barlaý ǵylymı-zertteý ınstıtýtynyń aǵa laboranty, ǵylym qyzmetkeri, laboratorııa meńgerýshisi, ınstıtýt dırektorynyń orynbasary (1959–1978), Qazaqstannyń eń iri munaı barlaý mekemeleriniń – «Qazmunaıgazbarlaý» basqarmasynyń, «Qazmunaıgazgeologııa», «Gýrevmunaıgazgeologııa» birlestikteriniń, «Kaspııgeologııa» basqarmasynyń bas geology (1978–1991j.), 1991 jyldan Qazaqstan Ǵylymı Akademııasynyń Geologııa ǵylymdar ınstıtýtynyń bas ǵylym qyzmetkeri boldy. Onyń negizgi ǵylymı-zertteý jumystary Qazaqstannyń munaı jáne gaz qorlaryn boljaýǵa, izdeýge, barlaýǵa arnalǵan. V. Qalamqas (1985j.), Zabýrýne (1987j.), Qarashyǵanaq (1989j.) munaı-gaz ken oryndaryn ashqan. KSRO Memlekettik syıl. laýreaty (1982j.). Eńbek Qyzyl Tý ordenimen jáne medaldarmen marapattalǵan.[1] 1959 jyldan - QazǴZGBI aǵa laboranty, ǵylymı qyzmetkeri, Munaı men gaz qorlaryn esepke alý, munaı men gaz ken oryndaryn izdeý jáne barlaý, Batys Qazaqstannyń shógindi alaptarynyń munaıgazdylyǵyn boljaý zerthanalarynyń meńgerýshisi, Instıtýt dırektorynyń ǵylymı jumystar jónindegi orynbasary (Gýrev). 1978 jyldan - «Qazmunaıgazgeologııa»,«Gýrevmunaıgazgeologııa», «Kaspıımańygeologııa» GTB birlestikteriniń bas geology, bas dırektorynyń orynbasary (Gýrev, Oral). 1991 jyldan beri – QR Bilim jáne ǵylym mınıstrligi Q.I. Sátbaev atyndaǵy geologııalyq ǵylymdar ınstıtýtynyń bas ǵylymı qyzmetkeri. «Munaıshy» QQ múshesi (2004). «Munaıshy» QQ redaktsııalyq-baspa keńesiniń múshesi. KSRO Memlekettik syılyǵynyń laýreaty (1982). Eńbek Qyzyl Tý (1980), «Parasat» (1999) ordenderimen, ár túrli medaldarmen (1968-1981) marapattalǵan.




65 jyl buryn (1956) Qazaqstan Respýblıkasy Salyq tóleýshiler qaýymdastyǵy basqarýshy keńesiniń tóraǵasy Jannat Jurǵalıqyzy ERTІLESOVA dúnıege kelgen.

Almaty qalasynda týǵan. S.M.Kırov atyndaǵy Qazaq memlekettik ýnıversıtetin bitirgen, ekonomıst (1978).

Eńbek joly: QazSSR memlekettik jospar janyndaǵy ǴZEI ekonomısi (1978); QazSSR memlekettik jospar janyndaǵy ǴZI bóliminiń meńgerýshisi (1986-1991); QR ekonomıka jónindegi memlekettik komıteti janyndaǵy ekonomıka jáne naryq qatynastary ǴZI bóliminiń meńgerýshisi, dırektor orynbasary (1991-1993); Qarjy-nesıe saıasaty basqarmasynyń bastyǵy, QR Ekonomıka mınıstrligi mınıstriniń orynbasary (1993-1995); QR Úkimeti janyndaǵy ekonomıkalyq reformalar ortalyǵynyń basshysy, (1995; 1997-1999); QR Qarjy mınıstrliginiń vıtse-mınıstri, birinshi vıtse-mınıstr (1997-1999); «Qazaqtelekom» AAQ ekonomıka máseleleri jónindegi bas dırektory, vıtse-prezıdenti (1999-2000); QR Prezıdent ákimshiligi basshysynyń orynbasary (2000-2001); QR Qorǵanys mınıstriniń ekonomıka jáne qarjy máseleleri jónindegi orynbasary (2001); «Sana-konsaltıng» JShS-nyń bas dırektory (2001-2003); QR Tabıǵı monopolııalardy retteý jáne básekelestikti qorǵaý jónindegi agenttigi Tóraǵasynyń birinshi orynbasary (2003-2004); «QazMunaıGaz» UK» AQ korporatıvtik damý jónindegi basqarýshy dırektory (2004-2007); «Qazyna» turaqty damý qory» AQ Basqarma Tóraǵasynyń orynbasary (2007); QR Ulttyq kásipkerler palatasynyń Basqarma Tóraǵasynyń orynbasary (2013-2015); «Ekspert Kazahstan» jýrnalynyń dırektory (2015 jyldan bastap).




57 jyl buryn (1964) Qyzylorda oblystyq sotynyń sýdıasy Muhtar Júsipbekuly ERKІNBEKOV dúnıege keldi.

Qyzylorda oblysynda týǵan. S.M.Kırov atyndaǵy Qazaq memlekettik ýnıversıtetiniń zańger mamandyǵyn bitirgen (1991).

Bul qyzmetke kelgenge deıin Jańaqorǵan aýdanynyń Birlik keńsharynda jumysshy, Qyzylorda qalalyq prokýratýrasynda stajer tergeýshi, tergeýshi, qalalyq tabıǵatty qorǵaý prokýratýrasynyń tergeýshisi, oblystyq prokýratýrada aǵa tergeýshi, odan keıin tergeý bóliminiń prokýrory, MTK-niń Shıeli aýdandyq bóliminiń bastyǵy, osy mekemeniń oblystyq departamentinde bólim bastyǵy, keıin basqarma bastyǵynyń orynbasary boldy. Qyzylorda qalalyq ІІB bastyǵynyń orynbasary, oblystyq qarjy polıtsııasy bastyǵynyń tergeý isi jónindegi orynbasary, Qyzylorda qalalyq sotynyń sýdıasy, Qyzylorda oblysynyń sottar ákimshisi, Baıqońyr qalalyq sotynyń tóraǵasy, Qyzylorda oblysynyń mamandandyrylǵan qylmystyq ister jónindegi sotynyń sýdıasy, Qyzylorda qalalyq sotynyń tóraǵasy qyzmetterin atqarǵan.

2021 jyldyń shilde aıynan bastap qazirgi qyzmetinde.




46 jyl buryn (1975) Qazaqstan Respýblıkasynyń qarjy vıtse-mınıstri Danııar Erenǵalıuly JANALINOV dúnıege keldi.

Almaty oblysyda týǵan. 1998 jyly Qazaq kólik jáne kommýnıkatsııa akademııasyn «ınjener-ekonomıst» mamandyǵy boıynsha bitirgen.

Eńbek joly: 2000-2002 jyldary – Taldyqorǵan qalasy jáne Almaty oblysy boıynsha Salyq komıtetiniń salyq ınspektory. 2002-2003 jyldary – Almaty oblysy boıynsha Salyq komıtetiniń jetekshi salyq ınspektory. 2003-2008 jyldary – Almaty oblysy boıynsha Salyq komıtetiniń bas salyq ınspektory. 2008 jyldyń qańtar-shilde aılarynda Almaty oblysy boıynsha Salyq komıtetiniń bólim bastyǵy qyzmetin atqardy. 2008-2010 jyldary – Almaty oblysy boıynsha Salyq departamenti bastyǵynyń orynbasary. 2010-2012 jyldary – QR Qarjy mınıstrligi Salyq komıtetiniń salyq qyzmetteri basqarmasynyń bastyǵy. 2012-2014 jyldary – QR Qarjy mınıstrligi Salyq komıtetiniń iri salyq tóleýshiler basqarmasynyń basshysy. 2014 jyldyń qazan-qarasha aılarynda – QR Qarjy mınıstrligi Memlekettik kirister komıteti janama salyqtardy ákimshilendirý basqarmasynyń basshysy. 2014-2018 jyldary – QR Qarjy mınıstrligi Memlekettik kirister komıtetiniń Soltústik Qazaqstan oblysy boıynsha Memlekettik kirister departamentiniń basshysy. 2018-2021 jyldary – Mańǵystaý oblysy boıynsha Memlekettik kirister departamentiniń basshysy.

Qazirgi qyzmetinde 2021 jyldyń tamyz aıynan bastap.


Basty sózder: Kúntizbe,
Joǵary qaraı