Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

21 qańtar. QazAqparat kúntizbesi

2022 jyldyń 21 qańtar 2022 07:00

NUR-SULTAN. QazAqparat - QazAqparat oqyrmandaryna 2022 jylǵy 21 qańtarǵa arnalǵan kúntizbesin usynady.

ATAÝLY KÚNDER

Halyqaralyq dostyq qushaq kúni

Bul jańa merekeniń dástúri boıynsha tanymaıtyn adamdy da dostyq qushaǵyna alýǵa bolady. Mereke batys eýropalyq stýdent jastardan bastaý alady.

ESTE QALAR OQIǴALAR

1932 jyly «Kazahstanskaıa pravda» gazetiniń alǵashqy nómiri jaryq kórdi. «Kazahstanskaıa pravda» gazetiniń burynǵy ataýy «Izvestııa Kırgızskogo kraıa» bolǵan, onyń alǵashqy nómiri 1920 jyly 1 qańtarda shyqty. Ol beısenbi saıyn shyǵatyn aptalyq gazet boldy. 1932 jylǵy 20 qańtarda Qazraıkom III Plenýmynyń qaýlysymen «Sovetskaıa step» «Kazahstanskaıa pravda» bolyp ózgertildi. 1932 jylǵy 21 qańtardan bastap alǵashqy nómiri shyǵa bastady.

1995 jyly Qazaqstanda «Іsker áıelder qaýymdastyǵy» respýblıkalyq qoǵamdyq birlestigi quryldy. Birlestik isker áıelderdiń qyzmet salasyn men áleýmettik baǵyttylyǵynan tys isker áıelderdiń joǵary mártebesi men ımıdjin qalyptastyrý, isker áıelderdi shoǵyrlandyrý, sondaı-aq áıelder men otbasy quqyqtary men múddelerin qorǵaý maqsatynda quryldy.

1997 jyly Almatydaǵy Magnıtogorsk kóshesi akter, KSRO-nyń halyq ártisi Ydyrys Noǵaıbaevtyń atyna ózgertildi.

2009 jyly Respýblıkanyń elordasynda qalanyń 10 jyldyq mereıtoıyna arnalǵan «Astana» entsıklopedııasynyń tusaýkeser rásimi ótti. Odan qalanyń tarıhy, ekonomıkasy, turǵyndar quramy, mádenıeti, bilimi, ǵylymy, kórikti jerleri, tarıhı jáne mádenı murasy, qala qurylysy, sonymen birge sırek kezdesetin ǵımarattar, sáýlettik ansamblderi týraly tanysyp bilýge bolady. Entsıklopedııada ǵylym men bilim, óner salasyndaǵy belgili qaıratkerlerdiń ómirderekteri bar. Entsıklopedııa 20000 danamen qazaq jáne orys tilinde shyǵarylǵan.

2013 jyly QR Prezıdentiniń Jarlyǵymen Astana qalasy men Aqmola oblysynyń shekaralary ózgerdi. Osylaısha Astana qalasy jerleriniń jalpy alańy 17,1 gektar bóligi Aqmola oblysynyń Tselınograd aýdanynyń shekarasyna jáne Aqmola oblysy Tselınograd aýdany jerleriniń jalpy alańy 17,1 gektar bóligi Astana qalasynyń shekarasyna qosyldy.

2014 jyly Nıý-Iorkte BUU janyndaǵy turaqty ókilder Qazaqstannan Qaırat Ábdirahmanov pen Trınıdad jáne Tobagodan Rodneı Charlz eki memleket arasyndaǵy dıplomatııalyq qatynastardy belgileý týraly birlesken qujatqa qol qoıdy.

Trınıdad jáne Tobago - Karıb teńiziniń ońtústiginde ornalasqan aral memleket, onda 1,3 mıllıonnan astam adam turady. Negizgi ekonomıkalyq sektorlary - munaı, tabıǵı gaz óndirý jáne óńdeý.

2014 jyly Qazaq ulttyq óner ýnıversıteti kolledjiniń ekinshi kýrs stýdenti Farhad Mádenov Las-Vegasta aıaqtalǵan «Hrýstalnaıa magnolııa» jas oryndaýshylardyń XIX halyqaralyq mýzykalyq baıqaýynyń bas júldesin jeńip aldy. Jeńimpazǵa Los-Andjelestegi bedeldi mýzykalyq oqý oryndarynyń birinde tegin oqý múmkindigi beriledi.

2016 jyly Túrki halyqtarynyń búkilálemdik kongresi ál-Farabı atyndaǵy Qazaq Ulttyq ýnıversıtetine «Túrki elderiniń úzdik joǵary oqý orny» ataǵyn berdi.

2017 jyly otandasymyz Kırıll Gerasımenko Qazaqstan Respýblıkasy tarıhynda ITTF World Tour jarystarynyń aqtyq kezeńine ótip, ústel tennısinen álemdik týr chempıony atanǵan tuńǵysh sportshy boldy. 21 jasqa deıingi topta Astana qalasy ákimdiginiń Mamandandyrylǵan joǵary sporttyq sheberlik mektebiniń ókili Kırıll Gerasımenko aqtyq synda 3:2 esebimen frantsýz Akkýzý Kannan basym tústi.

2019 jyly Óskemende Olga Rypakova syılyǵyna jeńil atletıkadan halyqaralyq týrnır ótti. Mıhaıl Lıtvın jeńiske jetip, Qazaqstannyń jańa joǵary jetistigin ornatty. Sportshy 400 metrge júgirýden birinshi oryn aldy. Onyń ýaqyty – 46.26 bolyp, Qazaqstannyń jańa rekordy ornatyldy.

2021 jyly Qazaqstanda QR Ulttyq banki Aqsha-nesıe saıasaty komıteti quryldy.


Basty sózder: Kúntizbe,
Joǵary qaraı