Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2060 jylǵa qaraı Qazaqstanda elektr energııasynyń 80 paıyzy balama kózderden alady - sarapshy

2021 jyldyń 27 qazan 2021 21:35

NUR-SULTAN. QazAqparat – 2060 jylǵa qaraı Qazaqstanda elektr energııasynyń 80 paıyzy balama energetıkadan alynady. Bul týraly QR EGTRM Klımattyq saıasat jáne jasyl tehnologııalar departamentiniń bas sarapshysy Aıda Álıeva aıtty, dep habarlaıdy QazAqparat tilshisi.

«Ótken jyldyń jeltoqsanda Prezıdent kómirtegi beıtaraptylyǵyna qol jetkizetindigimizdi málimdegen bolatyn. Soǵan oraı kómirtegi beıtaraptylyǵyna qol jetkizý úshin doktorına ázirleý jumysyn júrgizdik. Búginde klımattyń ózgerýimen kúres máselesi qorshaǵan ortany qorǵaý aıasynan shyǵyp, ekologııalyq qaýipsizdik máselelerine arnalǵan alańdarda talqylanyp jatyr», - dedi Aıda Álıeva.

Onyń atap ótýinshe, búginde álemniń 110-nan astam eli kómirtegi beıtaraptylyǵyna qol jetkizetindigin málimdep otyr. Al bul jer sharyndaǵy barlyq damyǵan elderdi qamtıdy. Aıta keterligi, qazirdiń ózinde shamamen 5 el bul kórsetkishke qol jetkizgen.

«Qazaqstan jasyl damýǵa, jalpy ekonomıkany kómirteksizdendirýge baǵyt aldy. Bul maqsatqa qol jetkizý úshin 2 mlrd aǵash egiletin bolady. Kómirtekterdi ustap qalý, saqtaý tehnologııalaryn engizý de josparlanǵan. Bul jańartylatyn energetıkany keńinen qoldanýǵa da qatysty. 2060 jylǵa qaraı óndiriletin elektr energııasynyń 80 paıyzdan astamyn taza, balama energetıkadan alýdy josparlap otyrmyz», - dedi sarapshy.


Joǵary qaraı