Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2050 jylǵa qaraı kómir elektr stantsııalarynyń bári qoldanystan shyǵarylady – Prezıdent

2021 jyldyń 13 qazan 2021 17:59

NUR-SULTAN. QazAqparat – 2050 jylǵa qaraı kómir elektr stantsııalarynyń bári qoldanystan shyǵarylady, dep habarlaıdy QazAqparat tilshisi.

Memleket basyshsy Qasym-Jomart Toqaev elordada ótip jatqan «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferentsııada osyndaı málimet aıtty.

«Búgin sizderdiń nazarlaryńyzǵa Qazaqstannyń 2060 jylǵa deıingi kómirtegi beıtaraptylyǵy doktrınasynyń jobasy usynylady. Doktrına ekonomıka men ónerkásiptegi tómenkómirtekti transformatsııanyń bazalyq tásilderin kózdeıdi. Ekologııa, gelologııa jáne tabıǵı resýrstar mınıstri óz baıandamasynda Úkimettiń kózqarasyn egjeı-tegjeıli tanystyrady. Alǵa basa otyryp, doktrına túpki nusqada pragmatıkalyq, utymdy bolýǵa jáne bizdiń ekonomıkamyzdyń ereksheligi men qurylymyn eskere otyryp, onyń shuǵyl qajettilikterin eskerýge tıis ekenin atap kórsetkim keledi», - degen Prezıdent Doktrınanyń órshil maqsatyna qol jetkizý júıeli kúsh-jigerdi qajet ekenin atap ótti.

«Joba boıynsha, 2050 jylǵa qaraı barlyq kómir elektr stantsııalary qoldanystan shyǵarylady. 2060 jylǵa qaraı jańartylatyn jáne balamaly energııa kózderiniń úlesi eldiń jalpy energııa balansynyń 80%-dan asady. Kómirtektiginen beıtaraptyq stsenarııi málimdelgen maqsattarǵa qol jetkizý úshin memlekettiń, bıznestiń jáne jalpy qoǵamnyń belsendi ári birlesip kúsh jumsaýyn qajet etedi», - dedi Qasym-Jomart Toqaev.


Joǵary qaraı