Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2025 jyly kez kelgen memlekettik qyzmet bes mınýttyń ishinde kórsetilýi tıis - mınıstr

2021 jyldyń 23 qarasha 2021 01:10

NUR-SULTAN. QazAqparat – 2025 jyly Qazaqstanda kez kelgen memlekettik qyzmet 5 mınýt aıasynda kórsetilýi tıis. Bul josparmen QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın bólisti, dep habarlaıdy QazAqparat tilshisi.

«Qazirgi kúni memlekettik basqarý júıesi ózgerdi. Buryn tutas memlekettik baǵdarlama bolsa, qazir naqtylanǵan ulttyq jospar bar. Ulttyq jobanyń maǵan unaıtyn tusy – naqtylyq. Bizdiń salamyzǵa kelsek, «5 mınýttyń ishindegi qyzmet». 2025 jyly memlekettik qyzmet smartfon arqyly 5 mınýttyń ishinde kórsetilýi tıis. ıAǵnı, úıde otyryp uıaly telefon arqyly kez kelgen qyzmetti alý múmkindigin jasaımyz», - dedi Baǵdat Mýsın Habar telearnasynda ótken «Natsıonalnyı ınteres» telebaǵdarlamasynyń efırinde.

Sondaı-aq, mınıstr memlekettik qyzmet kórsetý salasyn avtomattandyrý jáne tsıfrlandyrý saldarynan kóptegen mamandar jumyssyz qalmaı ma degen qaýipke qatysty pikir bildirdi.

«Qyzmet kórsetýdi jańa platformaǵa kóshirý ekijaqty qarama-qaıshylyqqa ákelýi múmkin. Birinshi qarama-qaıshylyq memlekettik apparatqa qatysty, ekinshisi - ІT qaýymdastyq. Degenmen 5 jyldyń ishinde memlekettik qyzmet fýnktsııasy tsıfrlandyrýǵa kóship, sáıkesinshe memlekettik bıýdjet qaltasyna túsetin salmaq azaıady», - deıdi ol.

Buǵan deıin B. Mýsın bala dúnıege kele salyp avtomatty túrde balabaqsha kezegine qoıylatynyn habardar etti.


Joǵary qaraı