Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2025 jylǵa qaraı memlekettiń ekonomıkaǵa qatysý úlesi 14 paıyzǵa deıin qysqarady

2021 jyldyń 23 qyrkúıek 2021 18:15

NUR-SULTAN. QazAqparat – 2025 jylǵa qaraı memlekettiń ekonomıkaǵa qatysý úlesi 14 paıyzǵa deıin qysqarady. Bul týraly Úkimet úıinde ótken brıfıngide QR Premer-Mınıstriniń birinshi orynbasary Álıhan Smaıylov aıtty, dep habarlaıdy QazAqparat tilshisi.

«Ekonomıkaǵa memlekettiń qatysýyn qysqartý jónindegi Prezıdent tapsyrmasyn júzege asyrý maqsatynda 2025 jylǵa deıin jekeshelendirýdiń keshendi jospary júzege asyrylyp jatyr. Nysandardyń 50 paıyzy, al olardyń keshendi jospardaǵy sany 733, osy jyldyń sońyna deıin jekeshelendirýge qoıylady. 2022 jyly 30 paıyzy, al 2023 jáne 2024 jyldary 10 paıyzdan jekeshelendiriledi. Jekeshelendirýdiń árbir nysany boıynsha Memlekettik múlik tizilimige olardy satý jol kartasy ázirlenip, engizildi», - dedi Álıhan Smaıylov.

Onyń atap ótýinshe, qazirdiń ózinde Memlekettik múlik komıtetiniń elektrondy alańyndaǵy ashyq saýda-sattyq arqyly jekeshelendirý tolyqqandy júrgizilip jatyr.

«Tolyqtaı alǵanda, bul is-sharalar 2025 jylǵa qaraı ekonomıkadaǵy memlekettiń qatysý úlesin 14 paıyzǵa deıin tómendetýge múmkindik beredi», - dedi birinshi vıtse-premer.


Joǵary qaraı