Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2025 jylǵa qaraı 5 munaı-gaz hımııa zaýyty paıdalanýǵa beriledi

2021 jyldyń 15 qazan 2021 13:44

NUR-SULTAN. QazAqparat – 2025 jylǵa qaraı 5 munaı-gaz hımııa zaýyty paıdalanýǵa beriledi. Bul nysandardy salý QR Ulttyq ekonomıka mınıstrligi ázirlegen «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy aıasynda qarastyrylǵan, dep habarlaıdy QazAqparat tilshisi.

QR UEM málimetinshe, jobanyń «Munaı-gaz hımııasy keshenin damytý» baǵyty boıynsha syrtqy suranysty qanaǵattandyrý úshin iri joǵary tehnologııalyq munaı-gaz hımııasy óndiristeri engiziledi.

Atap aıtqanda, 2025 jylǵa qaraı 5 munaı-gaz hımııa zaýytyn paıdalanýǵa beriledi. Olar: polıpropılen óndirisi; benzın men polıpropılenge arnalǵan qospa óndirisi; metanol óndirisi; polıetılentereftalat óndirisi; Qashaǵan ken orny shıkizaty bazasyndaǵy gaz óńdeý zaýyty.

«Nátıjesinde munaı-gaz hımııasy ónimderin óndirý kólemi 360 myńnan 2 mln tonnaǵa deıin 5 esege ulǵaıady. Sondaı-aq eksport 9 esege (0,15-ten 1,4 mlrd.AQSh doll) ósedi», - dep atap ótedi mınıstrlikten.

Aıta keteıik, QR Prezıdenti Jarlyǵymen «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy bekitilgen bolatyn. Joba 5 baǵyttan turady jáne 6 negizgi mindet pen 13 kórsetkish aıqyndalǵan.



Joǵary qaraı