Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2025 jylǵa qaraı 418 ındýstrııalyq joba iske asyrylady – Áset Erǵalıev

2021 jyldyń 5 qarasha 2021 15:05

NUR-SULTAN. QazAqparat – 2025 jylǵa qaraı 418 ındýstrııalyq joba iske asyrylady. Bul týraly Ortalyq kommýnıkatsııalar qyzmetindegi baspasóz máslıhatynda QR Ulttyq ekonomıka mınıstri Áset Erǵalıev aıtty, dep habarlaıdy QazAqparat tilshisi.

Onyń atap ótýinshe, «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy 5 baǵytty qamtıdy. Bul - ındýstrııalyq-ınnovatsııalyq damý, munaı-gaz-hımııa jáne energetıka keshenderin, geologııa salasyn damytý, sondaı-aq shıkizattyq emes eksportty ilgeriletý. Osy baǵyttardy iske asyrý aıasynda 6 mindet, 13 kórsetkish jáne 56 is-shara kózdelgen. Ulttyq jobany qarjylandyrýdyń jalpy kólemi 15,9 trln, onyń ishinde respýblıkalyq bıýdjetten 402 mlrd teńge qarastyrylǵan. 15,5 trln teńge jeke ınvestıtsııalar tartý kózdelip otyr. Ulttyq jobanyń «Indýstrııalyq-ınnovatsııalyq damý» baǵyty aıasynda eki negizgi mindet aıqyndaldy: óńdeýshi ónerkásip kásiporyndaryn tehnologııalyq jańǵyrtý, sondaı-aq óndiris kólemin ulǵaıtý, sondaı-aq óńdeý ónerkásibi taýarlarynyń nomenklatýrasyn keńeıtý.

«Birinshi mindetti sheshý úshin kásiporyndardyń jańa tehnologııalardy satyp alýǵa jáne engizýge, jabdyqtardy montajdaýǵa jáne iske qosý-jóndeý jumystaryna, sondaı-aq biliktilikti arttyrýǵa, tehnologııalyq jabdyqtardy satyp alýǵa jáne kredıt berý, onyń ishinde lızıng sharttaryn jaqsartýǵa jumsalǵan shyǵyndaryn óteýge baǵyttalǵan keshendi is-sharalardy iske asyrý kózdeledi», - dedi ol.

Onyń atap ótýinshe, 2025 jylǵa deıin óńdeýshi ónerkásiptegi tsıfrlyq tehnologııalardy paıdalanatyn kásiporyndardyń úlesin 7-den 23 paıyzǵa deıin arttyrý josparlanǵan.

«2025 jylǵa qaraı 418 ındýstrııalyq joba iske asyrylyp, negizgi kapıtalǵa 11 trln teńgeden asa ınvestıtsııa tartylady. Nátıjesinde óńdeý ónerkásibi óndirisiniń kólemi 2020 jyldyń deńgeıine 1,5 esege artady», - dedi Áset Erǵalıev.


Joǵary qaraı