Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2025 jylǵa deıin keminde 20 zamanaýı aýrýhana salynady – vıtse-premer

2021 jyldyń 27 qazan 2021 17:46

NUR-SULTAN. QazAqparat – Búgin elordada QR Premer-Mınıstriniń orynbasary Eraly Toǵjanovtyń qatysýymen «Medtech» medıtsınalyq tehnıka jónindegi birinshi halyqaralyq forým ótti, dep habarlaıdy QazAqparat primeminister.kz saıtyna silteme jasap.

Dárilik preparattardy ázirleıtin, óndiretin jetekshi otandyq jáne sheteldik farmatsevtıkalyq kompanııalar qatysqan forým «Astana Zdorovie-2021» 17-shi qazaqstandyq halyqaralyq kórmesi aıasynda uıymdastyryldy.







E. Toǵjanov pandemııa kezeńinde atalǵan forýmdy ótkizýdiń ózektiligin atap ótti: «Pandemııa eldi vaktsınalarmen, dárilik zattarmen ǵana emes, medıtsınalyq jabdyqtarmen de qamtamasyz etý qajettigin kórsetti. Qazaqstanda biz muny basym baǵyt retinde belgiledik. Bizdiń úlken áleýetimiz ben múmkindikterimiz bar».





Vıtse-premer Memleket basshysynyń tapsyrmasyn oryndaý maqsatynda Úkimet Qazaqstannyń farmatsevtıka salasyn damytý jónindegi arnaıy keshendi jospar qabyldaǵanyn, ony iske asyrý 2025 jylǵa qaraı otandyq óndiristiń dárilik zattary men medıtsınalyq buıymdarynyń úlesin 50% deıin arttyrýǵa múmkindik beretinin málimdedi.
E. Toǵjanov densaýlyq saqtaý júıesiniń ınfraqurylymyn odan ári damytý týraly aıta kele, 2025 jylǵa deıin keminde 20 zamanaýı aýrýhana, 3 onkologııalyq ortalyq, 12 zerthana, medıtsınalyq buıymdardy zerthanalyq jáne tehnıkalyq synaqtan ótkizýge arnalǵan ortalyq salý josparlanǵanyn jetkizdi. Olardy medıtsınalyq jabdyqpen jaraqtaý kezinde otandyq óndirýshilerge basymdyq beriletin bolady.








Sondaı-aq vıtse-premer kórmege qatysýshylardyń pavılondaryn aralap, farmkompanııalar ókilderi men medıtsınalyq tehnıka óndirýshilerine jemisti jumys tiledi.















Joǵary qaraı