Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2025 jyldan keıin Mańǵystaýda munaı óndirisi tómendeýi múmkin – Maǵzum Myrzaǵalıev

2021 jyldyń 5 qazan 2021 11:01

NUR-SULTAN. QazAqparat – 2025 jyldan keıin Mańǵystaýda munaı óndirisi tómendeýi múmkin. Óndiris kólemin tómendetpeý úshin reseılik «Lýkoıl» kompanııasymen birge jańa ken oryndaryn ıgerý kózdelip otyr, dep habarlaıdy QazAqparat tilshisi.

Úkimet otyrysynda Energetıka mınıstri Maǵzum Myrzaǵalıev osyndaı jospardy ortaǵa saldy.

«Óńirde munaı óndirýdiń tómendeýine jol bermeý úshin rentabeldi emes, sýlanǵan, debıti az ken oryndary boıynsha salyqtyq preferentsııalar berý jóninde usynystar pysyqtalady. Bul jumysty mınıstrlik «QazMunaıGazben», múddeli memlekettik organdarmen birlesip iske asyrady. M ınıstrlik Mańǵystaý oblysynyń munaı óndirý profılin daıyndady. Munaı óndirý kelesi 5 jyl ishinde turaqty bolady. Alaıda 2025 jyldan bastap óndirýdiń shamaly tómendeýi baıqalýy múmkin», - dedi vedomstvo basshysy.

Degenmen, mınıstrdiń aıtýynsha, munaı men gaz óndirýdi arttyrý salasynda Mańǵystaý oblysynyń áleýeti áli de tolyq paıdalanylmaǵan.

«Jańa teńiz jobalaryn iske qosý, atap aıtqanda Hazar jáne Qalamqas-teńiz ken oryndaryn ıgerýdiń arqasynda 2028 jyldan bastap munaı óndirýdi 19,5 mln tonnaǵa deıin arttyrý josparlanýda.

Osylaısha, qazirgi ýaqytta «QazMunaıGaz» ben «Lýkoıl» osy ken oryndaryn ıgerý tujyrymdamasyn talqylap jatyr.

Osy máseleniń mańyzyn eskere otyryp, «QazMunaıGaz» aǵymdaǵy jyldyń sońyna deıin tujyrymdama nusqasyn túpkilikti aıqyndaýy qajet.

2028 jyldan bastap jyl saıyn josparlanǵan munaı óndirý shamamen 4 mln tonna bolady», - degen maǵzum Myrzaǵalıev jobaǵa ınvestıtsııa kólemi shamamen 4,5 mlrd dollar bolatynyn atady.


Joǵary qaraı