Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2024 jyly respýblıkalyq bıýdjet kirisi 50 paıyzǵa artady - Álıhan Smaıylov

2021 jyldyń 18 qarasha 2021 14:25

NUR-SULTAN. QazAqparat – 2024 jyly respýblıkalyq bıýdjet kirisi 50 paıyzǵa artady. Bul týraly Senattyń jalpy otyrysynda QR Premer-Mınıstriniń birinshi orynbasary Álıhan Smaıylov aıtty, dep habarlaıdy QazAqparat tilshisi.

«Úkimet Memleket basshysynyń tapsyrmasymen 2030 jylǵa deıingi memlekettik qarjyny basqarýdyń jańa tujyrymdamasynyń jobasyn ázirledi. Onda salyq-bıýdjet saıasaty, Ulttyq qor qarajatyn paıdalaný saıasaty, memlekettik qaryz jáne basqa da máseleler kórinis tapqan. Memlekettik qaryzdy basqarý máselesi keshendi túrde sheshiledi. Bıýdjettiń ózindik kirisi jalpy ishki ónim ósiminiń ataýly qarqynynan joǵary qarqynmen ósetin bolady. Máselen, respýblıkalyq bıýdjettiń ózindik kirisi 7,2 trln teńge bolsa, 2024 jyly ózindik kiris 10,4 trln teńge bolady. ıAǵnı, ósim - 50 paıyzǵa jýyq», - dedi ol senatorlardyń saýalyna oraı.

Onyń atap ótýinshe, salyqtyq-kedendik ákimshilendirýdi odan ary tsıfrlandyrý, taýarlardy qadaǵalaýdyń ulttyq júıesin engizý jalǵasady.

Salyq zańnamasyna ózgertýler engizilip, halyqaralyq salyq salý, transferttik baǵa túzý, aktsız saıasaty jetildiriledi.

«Sonymen qatar gaz-mettalýrgııa kesheni boıynsha da usynystarmen kelemiz. Munyń barlyǵy Ulttyq qor qarajatyn paıdalanýdy qazirgi 4,5 trln teńgeden 2024 jylǵa qaraı 2,4 trln teńgege deıin, ıaǵnı 2 esege qysqartýǵa múmkindik beredi», - dedi Álıhan Smaıylov.


Joǵary qaraı