Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2024 jyly bıýdjet tapshylyǵy jalpy ishki ónimniń 2,5 paıyzyna deıin tómendeıdi

2021 jyldyń 18 qarasha 2021 10:41

NUR-SULTAN. QazAqparat – 2024 jyly bıýdjet tapshylyǵy jalpy ishki ónimniń 2,5 paıyzyna deıin tómendeıdi. Bul týraly Senattyń jalpy otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Sizderdiń nazaryńyzǵa «2022-2024 jyldarǵa arnalǵan respýblıkalyq bıýdjet týraly» zań jobasy usynylyp otyr. Bıýdjet jobasyn qaraý barysynda onyń baǵyttary men mazmuny egjeı-tegjeıli talqylandy. Atap aıtqanda, 2022 jylǵa arnalǵan respýblıkalyq bıýdjet túsimi 13 trln teńge somasynda anyqtaldy. Bul rette munaıǵa qatysty emes túsimniń úlesi osy jylǵy 56,4 paıyzdan 2024 jylǵa qaraı 71,4 paıyzǵa deıin ósedi dep kózdelgenin atap ótken jón», - dedi «2022-2024 jyldarǵa arnalǵan respýblıkalyq bıýdjet týraly» zań jobasy týraly baıandaǵan Erulan Jamaýbaev.

Onyń atap ótýinshe, bıýdjet tapshylyǵy 2022 jyly jalpy ishki ónimniń 3,3 paıyzynan 2024 jyly kezeń-kezeńmen 2,5 paıyzǵa deıin tómendeýi kerek.

«Bıýdjet shyǵysy kelesi jyly 15,9 trln teńgeni quraıdy»,- dedi mınıstr.


Joǵary qaraı