Aýa raıy
Astana -23 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

2023 jylǵa qaraı dárigerlerdiń jalaqysy 2,5 ese ósedi

2020 jyldyń 25 qarasha 2020 13:08

NUR-SULTAN. QazAqparat - 2023 jylǵa qaraı dárigerlerdiń jalaqysy 2,5 ese ósedi. Bul týraly Nur Otan partııasynyń kezekten tys XX Sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Jahandyq jańa syn-tegeýirindi eskere otyryp, bilim, ǵylym, densaýlyq saqtaý, mádenıet jáne sportqa arnalǵan shyǵystar artady. Bul - adamı kapıtalǵa, elimizdiń bolashaǵyna salynǵan strategııalyq ınvestıtsııa. Densaýlyq saqtaý salasyn qarjylandyrý kólemi jalpy ishki ónimniń keminde 5 paıyzyn quraıdy», - dedi Memleket basshysy.

QR Prezıdenti tsıfrlandyrý, telemedıtsına, bıologııalyq qaýipsizdik ınfraqurylymyn qamtıtyn Biryńǵaı ulttyq júıeni qurý aıaqtalatynyn atap ótti.

«Nur-Sultan men Almaty qalalarynda 2 ǵylymı-ınnovatsııalyq kópbeıindi klınıka salynady. Óńirlik medıtsınany damytý úshin elimizdiń barlyq oblysynda 20 zamanaýı medıtsınalyq ortalyq salamyz. Aýdandyq aýrýhanalar men perzenthanalardy, aýyldyq emdeý mekemelerin barlyq qajetti jabdyqtarmen qamtamasyz etemiz. 2023 jylǵa qaraı dárigerlerdiń jalaqysy 2,5 ese ósetin bolady. Basty maqsat - qazaqstandyqtardyń ortasha ómir súrý jasyn 75 jasqa jetkizý», - dedi Qasym-Jomart Toqaev.


Joǵary qaraı