Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2022 jyly taýarlar eksporty 70,4 mlrd dollarǵa ósedi - Erbolat Dosaev

2021 jyldyń 9 jeltoqsan 2021 09:28

NUR-SULTAN. QazAqparat – 2022 jyly taýarlar eksporty 70,4 mlrd AQSh dollaryna deıin ósedi. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Boljamdyq raýnd aıasynda Ulttyq bank tólem balansy kórsetkishterin baǵalaýdy jańartty. 2021 jyly aǵymdaǵy shot defıtsıti ótken jylǵy kórsetkishtermen salystyrǵanda 34,7 paıyzǵa qysqaryp, (-) 4,2 mlrd AQSh dollary deńgeıinde kútiledi. Bazalyq stsenarıı kezinde salynǵan munaı men metaldyń joǵary baǵasy 2022 jyly 1,5 mlrd AQSh dollary kólemindegi profıtsıtke alyp keledi. 2022 jyly taýarlar eksporty álemdik suranystyń qalpyna kelýine baılanysty negizgi eksporttalatyn shıkizat taýarlary baǵasynyń ósýi esebinen 70,4 mlrd AQSh dollaryna deıin 18,6 paıyzǵa ósedi», - dedi Erbolat Dosaev.

Onyń atap ótýinshe, tólem balansy ádisnamasy boıynsha taýarlar ımporty halyq pen bıznes tarapynan suranystyń ósýi, sondaı-aq memlekettik baǵdarlamalar men bastamalardy iske asyrý esebinen 40,9 mlrd AQSh dollaryna deıin 6,8 paıyzǵa ulǵaıady. Joǵary baǵalarǵa jáne munaı men metall óndirisiniń kólemine baılanysty sheteldik tikeleı ınvestorlar kiristeriniń 4,0 paıyzǵa artýyna qaraı kirister balansynyń defıtsıti 24,5 mlrd AQSh dollaryna deıin 4,6 paıyzǵa ósedi.

«Osylaısha, energııa resýrstaryna baǵanyń ósýine baılanysty aǵymdaǵy shottyń jaqsarýy ımport boıynsha keıinge qaldyrylǵan suranystyń iske asyrylýy jaǵynan da, sheteldik ınvestorlarǵa tólenetin tólemderdiń ósýi jaǵynan da qysymmen toqtatylady. Bul, óz kezeginde, valıýta naryǵyna qosymsha qysym jasaıdy», - dedi UB tóraǵasy.


Joǵary qaraı