Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2022 jyly qazaqstandyqtar qansha kún demalady

2021 jyldyń 15 qazan 2021 10:04

NUR-SULTAN. QazAqparat – Taıaýda ǵana Úkimet basshysy Asqar Mamın 2022 jyldyń demalys kúnderin aýystyrý týraly qaýlyǵa qol qoıǵan edi. Osyǵan oraı oqyrman nazaryna keler jyly qandaı merekelerde qansha kún demalatyndyqtary týraly málimetterdi usynbaqpyz, dep habarlaıdy QazAqparat.

Sonymen elimizde qańtardyń 1 men 2-si kúnderi Jańa jylǵa oraı resmı túrde demalys kúni sanalady. Al 2022 jyldary bul kúnder senbi men jeksenbige dóp kelip tur. Demek, 3 men 4-i dúısenbi men seısenbi de qazaqstandyqtar úshin demalys bolady. Óıtkeni, mereke kúnderi senbi men jeksenbige týra kelgende demalys kelesi kúnderge sozylady.

Qazaqstanda 2 dinı mereke kúnderi demalys dep jarııalanǵan. Keler jyldyń 7 qańtary Rojdestvo merekesi juma kúnine túsip, 7, 8, 9 qańtar demalys kúni bolady.

Joǵaryda atalǵan Premer-Mınıstrdiń qaýlysyna sáıkes, 2022 jylǵy 5 naýryz senbiden 2022 jylǵy 7 naýryzdaǵy dúısenbige aýystyrylǵan bolatyn. Osyǵan oraı naýryzda qazaqstandyqtar halyqaralyq áıelder kúnine oraı 6, 7, 8 kúnderi, al Naýryz meıramynda 19-23 aralyǵynda 5 kún demalady.

Mamyrda qazaqstandyqtar 3 merekeni atyp ótedi. Atap aıtqanda, 1 mamyr - Qazaqstan halqynyń birligi merekesi jeksenbige kelgendikten 2 mamyr da demalys kúni sanalady. Al 7 mamyr Otan qorǵaýshylary kúnimen 9 mamyr Jeńis kúnine oraı 4 kún demalys bolady.

6 shilde Astana kúni sársenbide jáne Qurban aıttyń birinshi kúni ótetin 20 shilde sársenbi kúnderi de demays bolyp sanalady. Konstıtýtsııa kúniatalyp ótiletin 30 tamyz kelesi jyly seısenbige týra keledi. Sondyqtan joǵaryda atalǵan Úkimet basshysynyń qaýlysymen 2022 jylǵy 27 tamyz senbiden 2022 jylǵy 29 tamyz dúısenbige aýystyrylǵan.

Al qazaqstandyqtar 1 jeltoqsanda Qazaqstannyń Tuńǵysh Prezıdenti kúnin atap ótedi. ıAǵnı, beısenbide demalady. Sondaı-aq Táýelsizdik kúnine oraı 16-nan 19-yna deıin demalys bolady.


Avtor Marlan Jıembaı
Basty sózder: Qoǵam,
Joǵary qaraı