Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2022 -جىلى دارىگەرلەردىڭ جالاقىسىن كوتەرۋگە 361 ميلليارد تەڭگە قارجى بولىنەدى

2021 jyldyń 26 qarasha 2021 12:08

نۇر- سۇلتان. قازاقپارات - 2022 -جىلى دارىگەرلەردىڭ جالاقىسىن كوتەرۋگە 361 ميلليارد تەڭگە قارجى بولىنەدى. بۇل جايىندا ق ر پرەمەر- ءمينيسترىنىڭ ورىنباسارى ەرالى توعجانوۆتىڭ ءماجىلىس دەپۋتاتتارى ساۋالىنا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.

«مەملەكەت باسشىسىنىڭ قازاقستان حالقىنا ارنالعان جولداۋىن جۇزەگە اسىرۋ اياسىندا 2020-2025 -جىلدارى مەديتسينا قىزمەتكەرلەرىنىڭ جالاقىسىن كەزەڭ- كەزەڭمەن كوتەرۋ جوسپارلانعان» ، - دەلىنگەن ۇكىمەت باسشىسى ورىنباسارىنىڭ جاۋابىندا.

ۆيتسە- پرەمەر جاۋابىنا انىقتاما رەتىندە ۇسىنىلعان دەرەكتەرگە سايكەس، 2021 -جىلدىڭ 1 - قاڭتارىنان دەنساۋلىق ساقتاۋ سالاسىندا 247 مىڭ مەديتسينا قىزمەتكەرىنىڭ جالاقىسى ارتتى. اتاپ ايتقاندا، دارىگەرلەردىڭ جالاقىسى 30 پايىزعا (246,1 مىڭنان 319,9 مىڭ تەڭگەگە) ورتا مەديتسينا قىزمەتكەرلەرىنىڭ جالاقىسى 20 پايىزعا (144,6 مڭنان 173,5 مىڭ تەڭگەگە) ۇلعايدى. «2023 -جىلعا قاراي مەديتسينا قىزمەتكەرلەرىنىڭ جالاقىسىن ەكونوميكاداعى ورتاشا جالاقىعا قاتىستى 2,5 ەسەگە دەيىن ارتتىرۋ جوسپارلانعان» ، - دەدى ول.

انىقتامالىق دەرەكتەرگە قاراعاندا، بۇل ماقساتقا 2021 -جىلعا - 222,3 ميلليارد تەڭگە، 2022 -جىلعا - 361,7 ميلليارد تەڭگە، 2023 -جىلى 557,4 ميلليارد تەڭگە كوزدەلگەن.

Basty sózder: قوعام,
Joǵary qaraı