Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2022-2024  jyldary áleýmettik salaǵa 26,7 trln teńge bólinedi

2021 jyldyń 18 qarasha 2021 13:06

NUR-SULTAN. QazAqparat - 2022-2024 jyldary áleýmettik salaǵa 26,7 trln teńge bólinedi. Bul týraly QR Parlamenti Senatynyń tóraǵasy Máýlen Áshimbaev aıtty, dep habarlaıdy QazAqparat tilshisi.

«Úsh jyl ishindegi túsimderdiń ósýin eskere otyryp, áleýmettik salaǵa jumsalatyn shyǵystardy 30 paıyzǵa ulǵaıtý josparlanýda. Jalpy alǵanda, 2022-2024 jyldary áleýmettik salaǵa 26,7 trln teńge bólinedi. Osy qarajat kóptegen áleýmettik máselelerdi sheshýge múmkindik beredi. Mysaly, áleýmettik tólemderdi ındeksteý, muǵalimderdiń, dárigerlerdiń, bıýdjetten eńbekaqy alatyn basqa da qyzmetkerlerdiń jalaqysyn arttyrý jáne kóptegen áleýmettik nysandar salý kózdelgen», - dedi Máýlen Áshimbaev Senattyń jalpy otyrysynda.

Sonymen qatar ol búgin senatorlar birqatar ózekti máselelerdi kótergenin atap ótti.

«Onyń ishinde aýyl turǵyndaryn sýmen, ınternetpen qamtamasyz etý, feldsherlik pýnkt jelisin keńeıtý máseleleri sóz boldy. Osy oraıda Úkimet múshelerinen búgin depýtattar kótergen barlyq máselelerdi eskerýdi suraımyz. Májilis qarap, Prezıdentimiz qol qoıǵannan keıin aldaǵy úsh jylǵa arnalǵan respýblıkalyq bıýdjet el ıgiligine qyzmet etedi dep senemiz. Aldymyzda Memleket basshysy anyqtap bergen biraz maqsattar bar. Judyryqtaı jumylyp, olardy birge júzege asyrýymyz qajet. Bul jumysta Senat depýtattary Úkimetke qajetti qoldaý kórsetýge daıyn», - dedi Senat tóraǵasy.

Aıta keteıik, búgingi jalpy otyrysta «2022-2024 jyldarǵa arnalǵan respýblıkalyq bıýdjet týraly» zań jobasy qaraldy. Senat zań jobasyna birqatar túzetýler engizip, Májiliske qaıtarý týraly qaýly qabyldady.


Joǵary qaraı