Aýa raıy
Astana -15 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

2021 jyly jyljymaıtyn múliktiń biryńǵaı kadastry iske qosylady - Mýsın

2020 jyldyń 2 jeltoqsan 2020 11:02

NUR-SULTAN. QazAqparat - 2021 jyly jyljymaıtyn múliktiń biryńǵaı kadastry iske qosylady. Bul týraly búgin Úkimet otyrysynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Jer qatynastary boıynsha basty úsh problema bar. Eń bastysy – uzaq jáne kúrdeli protsester. Ekinshiden, jer ýchaskeleri shekaralarynyń sáıkestigine baılanysty kóptegen shaǵymdar kelip túsýde jáne ár óńirde aýdan deńgeıinde 200-den astam derek qorlary bólek paıdalanylýda. Ol aqparattyq qaýipsizdik jáne adamı faktor táýekelderine ákeledi. Qazirgi tańda kóptegen koordınattyq júıeler qoldanylýda. Al kartografııanyń, geodezııanyń, navıgatsııanyń negizgi jetistikterin paıdalaný úshin bizge qazaqstandyq koordınattyq júıe qajet», - dedi mınıstr.

Baǵdat Mýsın osy maqsatta «Tsıfrlyq Qazaqstan» baǵdarlamasy aıasynda ulttyq keńistik derekteriniń ınfraqurylymy jobasyn 2024 jylǵa deıin iske asyrý josparlanyp otyrǵanyn aıtady.

«Sonymen qatar jer qatynastary salasynda eseptik kadastrynyń 2 túri qoldanylýda. Ol – 200-den astam jer kadasty jáne jyljymaıtyn múlik tirkelimi derekter qorlary. Jer ýchaskesiniń tehnıkalyq sıpattamasy, onyń ıesi týraly jáne taǵy basqa aqparat osy eki kadastrda qaıtalanyp tirkeledi. Olardy biriktirý, jer qatynastary boıynsha protsesterdi avtomattandyrý, qujattar sany men merzimderdi qysqartýǵa múmkindik beredi. Osy maqsatta «Tsıfrlyq Qazaqstan« aıasynda jyljymaıtyn múliktiń biryńǵaı kadastry jobasy iske asyrylady. Jyldyń sońynda tehnıkalyq jumystar aıaqtalady. Kelesi jyly iske qosamyz», - dedi ol.

Mınıstr tehnıkalyq jaǵdaıy bar jer ýchaskelerin usyný qyzmetin onlaın formatta kórsetý Aqtóbe qalasynda pılottyq rejımde iske qosylǵanyn aıtty.

«Jaa protsesterdi múldem ózgerttik. Jer ýachaskesin ashyq kadastrlyq karta arqyly onlaın túrde tańdaýǵa bolady. Ótinishten bastap buıryq, ákimniń sheshimderi, neshe túrli aktiler men kelisimsharttar, barlyq qujattar elektrondy formatta rásimdeledi. Osy pılottyq joba aıasynda qazirgi tańda Aqtóbe qalasynda eki jer ýchaskesi atalǵan portalǵa salynǵan», - dedi Baǵdat Mýsın.



Joǵary qaraı