Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2021 jyly óńirler Indýstrııalandyrý kartasy aıasynda 139 jobany iske qosady

2021 jyldyń 30 qarasha 2021 09:45

NUR-SULTAN. QazAqparat – Búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov óńirlerdegi jańa jobalar týraly aıtty, dep habarlaıdy QazAqparat tilshisi.

«Óńirler 2021 jyly Indýstrııalandyrý kartasy aıasynda jalpy somasy 1,3 trln teńge bolatyn 139 jobany iske qosyp, 12,7 myń jańa turaqty jumys ornyn ashýdy josparlap otyr. Qarasha aıyndaǵy jaǵdaı boıynsha jalpy somasy 1 trıllıon teńge bolatyn 83 joba paıdalanýǵa berilip, 9 myńdaı turaqty jumys orny ashyldy», - dedi B. Atamqulov.

Paıdalanýǵa berilgen jobalardyń ishinde Qaraǵandy oblysyndaǵy baıytý fabrıkasy («Jáırem taý-ken baıytý kombınaty» aktsıonerlik qoǵamy) sııaqty iri jobalardy atap ótýge bolady. Jańa polımetall fabrıkasy qorǵasyn-myrysh kenin óndirý kólemin 2,5 esege arttyrady.

«Qyzylorda oblysynda jeltoqsan aıynda «Orda Glass» jaýapkershiligi shekteýli seriktestiginiń tabaq shyny óndiretin zaýytyn tehnıkalyq iske qosý josparlanýda. Ónimdiligi - jylyna 197,1 myń tonna shyny. Jańa jumys orny ashylady. Shyǵys Qazaqstan oblysyndaǵy Aqtoǵaı taý-ken baıytý kombınatyn keńeıtý jobasy iske qosyldy. Ol sýlfıdti kendi qaıta óńdeý qýatyn 2 esege arttyryp, jylyna 50 mıllıon tonnaǵa jetkizedi. Mys óndirisin jylyna 190 myń tonnaǵa deıin (ósimdi 90% - ǵa qamtamasyz etedi) qamtamasyz etedi. Qaraǵandy oblysynda «Qaz Carbon (Kaz Karbon)» jaýapkershiligi shekteýli seriktestiginiń Saryarqa ferroqorytpa zaýyty iske asyryla bastady. Zaýyt ónimi Nippon Steel, Marubeni Corporation, «ArselorMıttal» jáne ózge de sheteldik alyp kásiporyndardyń suranysyna ıe. Eksport geografııasy Japonııa, Reseı, Eýropa jáne Táýelsiz Memleketter Dostastyǵy elderin qamtıdy», - dedi mınıstr.

Onyń sózine qaraǵanda, Qostanaı qalasynda oqshaýlaý ortalyǵynda elektrotehnıkalyq jabdyqtar men aýylsharýashylyǵy, avtomobıl tehnıkasyna arnalǵan komponentter óndiretin taǵy 2 joba paıdalanýǵa berildi.


Joǵary qaraı