Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

2021 jyly naryqtarǵa qandaı faktorlar áser etti

2022 jyldyń 14 qańtar 2022 13:57

NUR-SULTAN. QazAqparat - QR Ulttyq banki tóraǵasynyń orynbasary Álııa Moldabekova Qarjy naryǵy úshin 2021 jyldyń negizgi nátıjeleri men 2021 jyldyń jeltoqsanynda naryqtarǵa áser etken faktorlar týraly túsindirdi, dep habarlaıdy QazAqparat tilshisi.

«2021 jyldyń basynda vaktsınatsııalaý protsesiniń keńinen óristeýin kútken ınvestorlardyń úmitteri, ásirese damýshy elderdiń naryqtaryna qatysty úmitteri optımıstik sarynda boldy. Alaıda, jyldy qorytyndylaı kele, bul optımızm kútkenimizdi aqtamady dep qorytyndy jasaýǵa bolady. Monetarlyq jáne fıskaldyq qoldaýdyń teńdessiz sharalary álemdik ekonomıka ósýiniń jáne qarjy naryqtarynyń serpinin jaqsartýdyń negizgi qozǵaýshy kúshterine aınaldy. Sonymen birge, bul sharalar búkil álemde turaqty jáne joǵary ınflıatsııanyń faktorlaryna aınaldy», - dedi Álııa Moldabekova.

Onyń aıtýynsha, koronavırýstyń jańa shtamdarynyń paıda bolýy, sondaı-aq vaktsınatsııanyń baıaý qarqyny májbúrli túrde qaıtalanǵan lokdaýndarǵa jáne jahandyq jetkizilim tizbeginiń buzylýyna ákep soqty. Bul da álemdik baǵanyń ósýine ákelip, 2021 jyly damýshy elder aktıvteriniń serpinine teris áser etti. Damýshy elder aktsııalarynyń ındeksi (MSCI EM) damyǵan elder naryǵynan birshama artta qala otyryp, bir jylda 4,6%-ǵa tómendedi.

«2021 jyly qomaqty ósýdi kórsetken aktıvterdiń birneshe synyptarynyń biri fıskaldyq jáne monetarlyq qoldaý sharalary esebinen ótimdiliktiń saqtalyp otyrǵan eń úlken kólemi aıasynda damyǵan elderdiń aktsııalar naryǵy boldy. MSCI World ındeksi bir jyl ishinde 22,4%-ǵa ósti. AQSh dollarynyń nyǵaıýy aıasynda damyǵan elderdiń memlekettik oblıgatsııalarynyń jahandyq ındeksteriniń kiristiligi teris boldy jáne (-)3,5%-dy qurady, al korporatıvtik oblıgatsııalar ındeksi 3,1%-ǵa tómendedi. 2021 jylǵy jeltoqsanda AQSh-taǵy ınflıatsııa 7% j/j jetti – bul sońǵy 40 jyldaǵy rekordty kórsetkish. AQSh-taǵy ınflıatsııanyń ósýi AQSh FRJ qoldaý sharalarynyń tez arada toqtatylýyna jáne monetarlyq saıasatty kúsheıtýge kóshýge baılanysty alańdaýshylyqtyń artýyna sebep boldy. Qarjy naryǵyna qatysýshylar FRJ mólsherlemesiniń alǵashqy ósýin naýryzdyń ózinde kútýde. Nátıjesinde, AQSh dollary baǵamynyń jahandyq nyǵaıǵany jáne qazynashylyq oblıgatsııalar kiristiliginiń óskeni baıqaldy», - dedi UB ókili.

«Jyl qorytyndysy boıynsha, AQSh dollarynyń DXY ındeksi 6,4%-ǵa edáýir ósti, bul sońǵy 5 jyldaǵy eń joǵary qarqyn bolyp otyr. Damýshy naryqtardyń valıýtalarynda qarama-qarsy serpin EM elderi valıýtalarynyń ındeksi 9,25%-ǵa álsiredi. Bıyldyń basynan bastap damýshy elderdiń valıýta ındeksi boıynsha aıtarlyqtaı ózgerister baıqalmaıdy. Alaıda, NATO men Reseı Federatsııasy arasynda Ýkraınadaǵy jaǵdaı boıynsha júrgizilgen kelissózderdiń nátıjesiz aıaqtalýy saladrynan keshe Reseı rýbliniń baǵamy bir dollar úshin 74,7 rýblden 76,3 rýblge deıin 2,2%-ǵa álsiregenin atap ótken jón», - dedi Álııa Moldabekova.


Joǵary qaraı