Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

2020 jyly Qaraǵandy oblysynda 300-den astam etnıkalyq qazaq qandas mártebesin aldy

2021 jyldyń 23 qańtar 2021 18:49

QARAǴANDY. QazAqparat – 2020 jyldyń qorytyndysy boıynsha Qaraǵandy oblysynda 322 adamǵa nemese 171 otbasyna qandas mártebesi berildi, dep habarlaıdy QazAqparat tilshisi.

Qandastar bizdiń óńirge kelesi elderden kelgen: Ózbekstannan - 120 otbasy nemese 203 adam; Mońǵolııadan - 43 otbasy nemese 106 adam; Qytaıdan - 6 otbasy nemese 11 adam; Tájikstannan - 1 otbasy nemese 1 adam; Qyrǵyzstannan – 1 otbasy nemese 1 adam keldi.

Eńbekke jaramdy jasqa kelgenderdiń ishinen - 205 adam, zeınetkerler - 17, kámeletke tolmaǵandar - 100.

Qandastardyń eń kóp sany Temirtaýda - 102 otbasy nemese 177 adam; Qaraǵandyǵa- 15 otbasy nemese 17 adam; Abaı aýdanynda - 10 otbasy nemese 22 adam; Buqar jyraý aýdanynda - 8 otbasy nemese 31 adam; Osakarov aýdanynda - 12 otbasy nemese 30 adam; qalǵan óńirlerge - 24 otbasy nemese 45 adam qonystandy.

Aıta ketken jón, 1991 jyldan 2020 jylǵa deıin respýblıkamyzǵa barlyǵy 1 mln 70,3 myń etnıkalyq qazaq keldi.

«Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda qandastarǵa jumys kúshi tapshy óńirlerge erikti túrde qonys aýdarý usynylady», - dep málimdedi Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasynda.


Joǵary qaraı