Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

2020 jyly ákimshilik ister boıynsha qansha aıyppul salyndy

2021 jyldyń 24 qańtar 2021 17:10

NUR-SULTAN. QazAqparat - Quqyqtyq statıstıka jáne arnaıy esepke alý komıtetiniń ortalyqtandyrylǵan derekter bankiniń málimetterine sáıkes 2020 jyly shamamen 7 mln ákimshilik quqyq buzýshylyq tirkeldi, dep habarlaıdy QazAqparat.

«El boıynsha 5,5 mln quqyq buzýshyǵa 80 mlrd 499 mln teńge kóleminde aıyppul túrinde jaza qoldanyldy, onyń 54 mlrd 886 mln teńgesi óndirilip alyndy. Sonymen qatar, 3,4 mln aıyppuldyń kóp bóligi alǵashqy 7 táýlik ishinde 30,2 mlrd teńge somasynda 50% jeńildikpen tólendi. Ótken jyly ákimshilik aıyppuldardy óndirip alý kórsetkishi 68 paıyzdy qurady», - delingen atalǵan komıtettiń málimetinde.

Eń kóp aıyppul Almaty qalasynda salynǵan. 16,4 mlrd teńge somasyna 1,6 mln quqyq buzýshylyq anyqtaldy, onyń 10,6 mlrd teńgesi tólendi.

Ekinshi orynda – Nur-Sultan qalasy. 1 mln quqyq buzýshyǵa 13,5 mlrd teńge aıyppul salynyp, 9 mlrd teńge óndirildi.

Eń azy Soltústik Qazaqstan oblysynda, ıaǵnı 1,4 mlrd teńge somasyna 73 myń aıyppul salyndy, onyń 891 mln teńgesi tólendi.

Memlekettik organdar arasynda quqyq buzýshylyqtardyń eń kóp sanyn ishki ister organdary anyqtady, olarǵa barlyq ákimshilik isterdiń 90 paıyzdan astamy tıesili.

«Іshki ister organdary jalpy 52 mlrd teńge somasyna 5,3 mln quqyq buzýshyny jaýapkershilikke tartty, onyń ishinde memleket bıýdjetine 35,2 mlrd teńge tústi. Aıyppuldardyń negizgi bóligin foto-beınetirkeý kameralary tirkegen quqyq buzýshylyqtar qurady, olar boıynsha 26,8 mlrd teńge somasyna 3 mln-nan astam sheshim shyǵaryldy», - delingen habarlamada.


Joǵary qaraı