Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

2020 jylǵa arnalǵan bıýdjet parametrleriniń boljamy naqtylandy

2020 jyldyń 21 qazan 2020 11:26

NUR-SULTAN. QazAqparat – Túzetilgen makroekonomıkalyq boljam negizinde 2020 jylǵa arnalǵan respýblıkalyq bıýdjet parametrleriniń boljamy naqtylandy. Bul týraly Ulttyq ekonomıka mınıstri Rýslan Dálenov málim etti, dep habarlaıdy QazAqparat tilshisi.

«Respýblıkalyq bıýdjettiń kiristeri (transfertterdi esepke almaǵanda) 2020 jyly 6 trln 539 mlrd teńge kóleminde baǵalanýda. Ulttyq qordan kepildendirilgen transfert ózgermeıdi jáne 4 trln 770 mlrd teńge kóleminde saqtalady», - dedi mınıstr Parlament Májilisiniń jalpy otyrysynda.

Respýblıkalyq bıýdjet shyǵystary bekitilgen kólemge qaraǵanda 205 mlrd teńgege ulǵaıyp, 14 trln 475 mlrd teńge kóleminde boljanyp otyr.

Bıýdjet tapshylyǵy jalpy ishki ónimge qatysty 3,5 paıyz deńgeıinde saqtalady.

«Usynylyp otyrǵan parametrler respýblıkalyq bıýdjettiń turaqtylyǵyn qamtamasyz etetin bolady», - dedi Rýslan Dálenov.

Budan buryn habarlanǵandaı, Ulttyq ekonomıka mınıstri bıylǵy jalpy ishki ónim men munaı baǵasyna túsinik berdi.


Joǵary qaraı